Texnologiya

"iPhone"un yeni görüntüsü sızdırıldı - Telefon dizaynında inqilab ola bilər

24 Sentyabr 2025 18:48

Baxış: 247

VTB-də yüksək depozit faizleri daha çox qazandırır

#İPHONE #APPLE

"Apple"ın yeni nəsil "iPhone 19 Air" modeli ilə bağlı məlumatlar üzə çıxıb.

Milli.Az xəbər verir ki, şirkətin indiyə qədər istehsal etdiyi ən incə model olan "iPhone 17 Air"dən sonra, bu dəfə tamamilə çərçivəsiz və daha böyük ekranlı yeni bir cihazın təqdim olunacağı iddia olunur.

Sızdırılan şəkillərə əsasən, "iPhone 19 Air" 6,9 düymlük prototipə bənzər tam çərçivəsiz ekrana sahib olacaq. Ultra nazik gövdəyə inteqrasiya ediləcək ekran "Apple"ın xüsusi material texnologiyası ilə möhkəmləndiriləcək və əyilməyə qarşı davamlı olacaq.

5,5 mm qalınlığı ilə rekord qıran "iPhone 17 Air"dən sonra yeni model də nazik və yüngül dizayn ənənəsini qoruyacaq. Lakin bu dəfə daha böyük ekran və çərçivəsiz quruluş, həm də möhkəm korpusla birləşdiriləcək.

Apple planlaşdırır ki, "iPhone 19 Air" 2027-ci ilin ikinci yarısında təqdim edilsin. Böyük ehtimalla, şirkətin ənənəvi təqdimat cədvəlinə uyğun olaraq bu model sentyabr 2027-də rəsmi olaraq elan ediləcək. Qiymətin isə 1000 dollar civarında başlayacağı ehtimal olunur.

Apple paralel olaraq qatlana bilən "iPhone" üzərində də işləyir.

Fidan
Milli.Az