Texnologiya

“WhatsApp”da yenilik - Tiktokdakı kimi...

9 Noyabr 2024 05:05

Baxış: 2 496

VTB-də minimal faiz dərəcəsi ilə nağd kredit 9.9%-dən

#MARAQLI #TEXNOLOGİYA #WHATSAPP #SOSİAL ŞƏBƏKƏLƏR

"WhatsApp" mesencerinə yeni funksiyalar gəlir. Bu yeni funksiyalar tətbiqi "Meta" şirkətinə məxsus digər platforma olan "İnstagram"a yaxınlaşdırır.

Milli.Az xəbər verir ki, hazırda sınaq mərhələsində olan xüsusiyyətlərdən biri status yeniləmələrinə musiqi əlavə etmək seçimidir.

İstifadəçilər statuslarına "İnstagram Stories" kimi musiqi treki əlavə edə biləcəklər.

Bundan əlavə, istifadəçilərə ən çox istifadə etdikləri emojilərə tez daxil olmaq imkanı verən "fərdiləşdirilmiş emoji" funksiyası da sınaqdan keçirilir.

Bu, istifadəçilərə status yeniləmələri edərkən və ya mesajlara cavab verərkən emojilərdən daha rahat istifadə etməyə imkan verəcək.

Həmçinin istifadəçilərin foto və video paylaşmalarını asanlaşdırmaq üçün qalereyaya birbaşa qısayol əlavə edilir.

İndi istifadəçilər bir neçə menyuya keçid etmədən foto və videoları paylaşarkən öz qalereyalarına sürətlə daxil ola biləcəklər.

Gözlənilən digər xüsusiyyət isə "İnstagram"da "Add Yours" etiketinə bənzər bir funksiyadır. Bu teq istifadəçilərə sorğuya cavablarını əlavə etməyə imkan verir.

Bu xüsusiyyətlərlə "WhatsApp" interaktiv və çox yönlü platforma olmaq yolunda mühüm bir addım atır. (publika.az)

Milli.Az