Texnologiya

"Apple" şirkəti ağıllı band icad etdi

8 Noyabr 2024 10:23
Baxış: 1 752
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #TEXNOLOGİYA #ABŞ #APPLE

"Apple" bir sıra həyati əlamətləri ölçə bilən ağıllı saat lentini patentləşdirib. 

Milli.Az xarici mediaya istinadən xəbər verir ki, patent ABŞ Patent və Ticarət Nişanları İdarəsində (USPTO) qeydiyyata alınıb. 

Təsvirdə deyilir ki, çevik ağıllı saat kəməri müxtəlif sağlamlıq göstəricilərini ölçən qadcet kimi istifadə edilə bilər. O cümlədən, aksesuar istifadəçinin tənəffüs dərəcəsi, təzyiqi və EKQ haqqında məlumat toplamağa imkan verir.

Mühəndislər elastik kəmərlərlə sensorların quraşdırılmasını təklif ediblər. Onlardan alınan məlumatlar naqilsiz şəkildə cihaza - məsələn, ağıllı saata ötürülə bilərdi. İxtiranın təsvirində həmçinin bildirilir ki, bu cür sensorlar Vision Pro qarışıq reallıq dəbilqəsinin başında saxlanılan lentin içərisinə yerləşdirilə bilər.

Şirkət hesab edir ki, elastik materiallarda quraşdırılmış sensorlar geyimdə, o cümlədən papaqlarda, əlcəklərdə və digər qarderob əşyalarında da istifadə oluna bilər.

Potensial olaraq, belə bir kəmər simsiz şarj edilə bilər. "Apple" mühəndislərinin fikrincə, bu, qadcetdən istifadəni sadələşdirəcək.

Qeyd edək ki, noyabrın əvvəlində "Bloomberg" mənbələri bildirib ki, "Apple" ağıllı üzük hazırlamaq layihəsini dayandırıb. Şirkət hesab edir ki, ağıllı üzüklərin buraxılması "Apple Watch"ın satışına mane olacaq.

Xəyal Abdullayev
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.