Texnologiya

"Whatsapp"da yenilik

17 İyul 2024 15:02

Baxış: 3 636

VTB-də minimal faiz dərəcəsi ilə nağd kredit 9.9%-dən

#MARAQLI #TEXNOLOGİYA #WHATSAPP #SOSİAL ŞƏBƏKƏLƏR

Vatsap mesenceri istifadəçilərə yeni funksiyanı təqdim edib.

Milli.Az "qafqazinfo"ya istinadən xəbər verir ki, messencerin tərtibatçıları istifadəçilərə vacib kontaktları və qrupları tez tapmağa kömək edəcək funksiyanı açıqlayıblar. Belə ki, istifadəçilər onlar üçün vacib söhbət və zəngləri yeni "Sevimlilər" bölməsinə əlavə etməklə kontakları daha tez tapa biləcəklər.

Yenilik söhbət siyahısında və zənglər bölümündə görünəcək və mühüm kontaktları, qrupları işarələməyə imkan verəcək.

İstifadəçilər söhbətləri sözügedən bölməyə əlavə etmək üçün "Sevimlilər" filtrini tətbiq etməli, istədikləri kontaktları və ya qrupları işarələməlidirlər. "Zənglər" bölməsində isə sadəcə olaraq "Sevimlilərə əlavə et" düyməsini basaraq müvafiq kontaktları və ya qrupları əlavə edə bilərlər.

Onu da bildirək ki, funksiya daha əvvəl elan olunsa da, əlçatan deyildi. Yenilik bəzi istifadəçilər üçün hazırda əlçatandır və yaxın günlərdə daha çox insana təqdim ediləcək.

Milli.Az

Xəbərlərimizi WhatsApp kanalımızdan da oxuyun