Texnologiya

“iPhone”larda oyunlarla bağlı yenilik

13 May 2024 12:19

Baxış: 1 234

VTB-də minimal faiz dərəcəsi ilə nağd kredit 9.9%-dən

#İPHONE #MOBİL TELEFON #ONLAYN OYUN

"App Store"da artıq "Gamma" adlı pulsuz "PlayStation 1" emulyatoru mövcuddur və bu, "jailbreak"i olmayan "iPhone" istifadəçilərinə orijinal "Sony" konsolu üçün nəzərdə tutulmuş sevimli oyunlarını oynamağa imkan verir.

Milli.Az oxu.az-a istinadən bildirir ki, məşhur emulyator tərtibatçısı olan proqramçı ZodTTD (Bencamin Stark) tərəfindən hazırlanmış "Gamma" "Bluetooth" konrollerləri və klaviaturalarını dəstəkləmə, fərdiləşdirilə bilən ekran skinləri, oyun fayllarının rezerv kopyalanması, həmçinin proqressin yaddaşda saxlanması üçün "Google Disk" və "Dropbox" sinxronizasiyası kimi funksiyaları təklif edir.

"Gamma" emulyatorunun "iPhone" və "iPad" üçün versiyaları var və oyunu işə salmaq üçün BIOS fayllarının axtarışı tələb olunmur.

Xatırladaq ki, "Gamma"dan əvvəl Bencamin Stark 2008 və 2009-cu illərdə müvafiq olaraq "TurboGrafx-16" və "N64" kimi "iPhone" emulyatorlarını yaratmışdı. O, həmçinin Android üçün "PSX4Droid" emulyatorunu hazırlayıb, lakin "Google" 2011-ci ildə onu "Google Play"dən silib.

Milli.Az

Xəbərlərimizi WhatsApp kanalımızdan da oxuyun