Texnologiya

"X"-dən çox sayda paylaşım silindi, profillər bağlandı

12 Oktyabr 2023 21:30

Baxış: 1 160

#TWİTTER

Xəbər verdiyimiz kimi, Avropa İttifaqı (Aİ) Komissiyası son günlər "X" sosial media platformasına zorakılıq da daxil olmaqla qanunsuz məzmun və dezinformasiya yayıldığı üçün xəbərdarlıq edilib.

Milli.Az olay-a istinadən bildirir ki, bununla bağlı ötən gün platformanın sahibi, milyarder İlon Maksa məktub göndərilib və ona paylaşımların silinməsi üçün 24 saat vaxt verilib.

"X"-in baş direktoru Linda Yaccarino Avropa İttifaqına cavab verib.

Yaccarino, platformada dezinformasiya və qeyri-qanuni məzmunlu yazıları silmək üçün xüsusi komanda yaratdığını açıqlayıb.

O, şirkətin yaratdığı komandanın platformadan on minlərlə dezinformasiya və qeyri-qanuni məzmunu sildiyini bildirib. Həmçinin platformada terror qrupları, zorakılıq və ya ekstremizmlə əlaqəsi olduğu aşkarlanan yüzlərlə hesab bağlanıb.

Milli.Az