Səhiyyə

Bu 2 ayda koronavirusdan daha çox ölən olacaq - DİQQƏTLİ OLUN - FOTO

14 Sentyabr 2020 14:18
Baxış: 4 201

COVİD-19 virusundan qarşıdakı aylarda ölənlərin sayı daha çox olacaq.

Bu açıqlamanı Ümumdünya Səhiyyə Təşkilatının Avropa üzrə direktoru Hans Kluqe edib. O bildirib ki, oktyabr və noyabr aylarında koronadan daha çox ölüm görəcəyik. 

Milli.Az-a açıqlama verən Tibb Univerisitetinin Tədris Cərrahiyyə Klinikasının Reanimasiya şöbəsinin müdiri Cavid Paşayev bunun səbəbini izah edib:

"Qarşıdan qrip mövsümü gəlir, payız aylarında respirator nəfəs yolları virusları aktiv müşahidə edildiyi üçün də COVİD-dən ölənlərin sayında artım müşahidə edilə bilər. COVİD-lə qrip infeksiyası üst-üstə düşəcək, bu da ölüm sayının daha çox olmasına şərait yaradacaq.  

Hazırda Avropanın və dünyanın bir çox ölkələrində yoluxma sayının kəskin artmağa başlamasının isə payızla bir əlaqəsi yoxdur. Sərt karantin rejimində hər kəs evində oturur, kontakt azalır. Kontakt artdıqca koronavirus daha çox yayılacaq və bunun peyvəndi hələ olmadığına görə kontakt artdıqca da COVİD-in yayılma ehtimalı artacaq". 

Həkim-infeksionist Natiq Əliyev isə Milli.Az-a açıqlamasında ÜST-ün açıqlamasını belə şərh edib:

"Dünyada pandemik dönəm davam etdiyi üçün və qarşıdan da payız-qış fəsli gəldiyinə görə bu dönəmdə digər bakteriyal və virus infeksiyalarının aktivləşdiyini nəzərə almaq lazımdır. COVİD xəstələrinin digər virus infeksiyalarına yoluxan şəxslərlə, demək olar ki, ilkin başda bütün klinik simptomları eyni olduğu üçün ayırmaq çətin olacaq. Bu səbəbdən də ölüm saylarında artım gözlənilir. Çünki digər bakteriyal və virus infeksiyaları klinik gedişatda ağırlaşa bilər.

Digər məsələ isə bu dönəmdə digər kəskin respirator virus infeksiyaları tutan şəxslərin immun sistemi zəiflədiyi üçün COVİD-19-a yoluxma ehtimalını artırır və klinik gedişatı ağırlaşdırır".

Təhməz Əsədov
Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.