Sağlamlıq

Ramazanda koronavirusa qarşı düzgün bəslənin - Məsləhətlər

14 Aprel 2021 19:45
Baxış: 611

Ramazan ayında düzgün qidalanmaq çox önəmlidir.

Milli.Az xəbər verir ki, türkiyəli dietoloq Elif Aydın oruc tutanlara bir sıra məsləhətlər verib:

* Uzun müddət davam edən aclıq, gün ərzində alınan kalori və maye miqdarının düşməsi metabolizmanın zəifləməsinə səbəb olur. Həm pandemiyada immun sistemimiz, həm də oruc tutanlar üçün qidalanmalarının dəyişdiyi ramazan ayında sağlam bəslənməyə üstünlük verməliyik.

YÜNGÜL VƏ DÜZGÜN QİDALANMAĞA DİQQƏT ETMƏK

Gecə yatmazdan əvvəl yemək yemək və sahura qalxıb, sadəcə su içmək ramazanda edilən ən böyük yanlışlardan biridir. Metabolizmanı dinc saxlamaq üçün sahura mütləq durmaq lazımdır. Gün ərzində yorğunluq, halsızlıq və qan şəkərimizin düşməməsi üçün sahuru keçmək olmaz. Sahur bəsləyici dəyəri yüksək olan qidalardan olmalıdır. Güclü bir immunitet üçün sahurda cəfəri, qırmızı, yaşıl bibər kmi C vitamini ilə zəngin tərəvəzlər yeyilməlidir. Orucda susamamaq üçün bədəndən suyu atan yemək və içkilərdən uzaq durmaq, sahurda və iftarda çay və qəhvəni azaltmaq lazımdır. Duzlu qidalar yemək gün ərzində susuzluğa səbəb olar. Sahurda və iftarda duzun miqdarını azaltmaq lazımdır.

* Uzun müddət davam edən aclıqdan sonra iftarda sürətlə yemək yemək həzmsizlik və toxluq siqnallarının beyinə çatmayaraq daha gec doymanıza səbəb olar. Orucu açdıqdan və sup içdikdən sonra 15 dəqiqə ara verilib, yeməyə davam edilməlidir. Daha sonra tərəvəz və ya salatla davam edə bilərsiniz. İftardan sonra şərbətli və xəmir şirniyyatlar yerinə meyvə və ya südlü şirniyyatlar seçilməlidir.

* Həm pandemiyada, həm də Ramazanda hərəkət azalıb. Bu isə artıq çəkiyə səbəb olur. Buna görə də iftardan 2 saat sonra idman edilməlidir. İftar və sahur arasında ən azı 8 stəkan su içilməlidir. /medicina.az

Ramazan.Milli.Az

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.