Sağlamlıq

Kimlərə meyvə və tərəvəz smuziləri olmaz?

26 Oktyabr 2020 22:20
Baxış: 1 671
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ

Milli.Az bildirir ki, dietoloq Marqarita Korolyeva meyvə smuzilərini karbohidrat mübadiləsi pozulmuş və köklüyə meylli insanlara tövsiyə etməyib.

"Xüsusi emal olunmuş smuzilərin tərkibində çox miqdarda vitamin, mineral və digər bioloji aktiv komponent var. Lakin karbohidrat mübadiləsi pozulan və kökəlməyə meylli insanlar üçün meyvələri yaxşıca çeynəyərək yemək məsləhətdir. Belə problemləri olmayan insanlar həm meyvə, həm də tərəvəz smuzilərindən istifadə edə bilərlər, amma sonuncularına diqqət yetirmək daha yaxşıdır. Xiyar, avokado, kərəvizdən hazırlanan smuzilər xüsusilə faydalıdır, həmçinin laym və ya limon suyu, çia toxumları, fındıq və qoz, təmizlənməmiş zeytun və ya kətan yağı əlavə edə bilərsiniz. Smuzini gündə bir dəfə, yemək aralarında içməlisiniz", - dietoloq açıqlamasında bildirib.

Ancaq həkim Sergey Oblojko hesab edir ki, ən yaxşı seçim qarışıq meyvə və tərəvəz smuziləridir:

"Tərəvəz və meyvədən hazırlanmış smuzi sayəsində bir daşla iki quş vururuq. Çünki həddən artıq şirin meyvə smuzilərini yemək düzgün deyil. Müxtəlif kombinasiyalar çoxdur və yay smuzi hazırlamaq üçün ən yaxşı vaxtdır, müxtəlif meyvə və tərəvəz kombinasiyalarını sınaya bilərsiniz" , - S.Oblejko bildirib. (publika.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.