Sağlamlıq

ABŞ koronavirusun müalicəsində bu dərmandan istifadə edir

8 Aprel 2020 23:49
0 Şərh     Baxış: 3 125
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #SAĞLAMLIQ #ABŞ #KORONAVİRUS

Hindistan qızdırma üçün hazırlanmış "Hidroksiklorokin" preparatını və bənzər dərmanları koronavirusla mübarizə üçün ABŞ-a ixrac edəcək.

Milli.Az xəbər verir ki, ABŞ dərmanların müqabilində Hindistana 2,9 milyon dollar ödəyəcək.

Hindistanın Baş naziri Narendra Modi ilə telefonda danışan ABŞ Prezidenti Donald Tramp "Hidroksiklorokin"i koronavirusa qarşı inqilabi dərman adlandırıb. Lakin qızdırma preparatı olan "Xlorokin"lə bənzər tərkibdəki bu dərmanın koronavirusun müalicəsində effektiv olduğu istiqamətində elmi araşdırma yoxdur.

Qeyd edək ki, ABŞ Hindistanı Rusiyadan zenit-raket kompleksləri aldığına görə dəfələrlə sanksiya tətbiq edəcəyi ilə təhdid edib. Bundan sonra Hindistan ABŞ-la bəzi iqtisadi münasibətlərində məhdudlaşdırmalara gedib. ABŞ mediası bu məhdudiyyətlərin Trampın Hindistana qarşı təhdidlərini geri götürdükdən sonra aradan qalxdığını yazır.

Xatırladaq ki, Tramp "Hidroksiklorokin"in koronavirusun müalicəsində istifadə edilməsi üçün ABŞ Qida və Dərman İdarəsindən (FDA) icazə alındığını açıqlamış, idarə isə bunu təkzib etmişdi. (publika.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.