Sağlamlıq

Professor təhlükəli olan qidaları AÇIQLADI: "ƏSL VƏHŞİLİKDİR"

23 Oktyabr 2019 07:07
0 Şərh     Baxış: 1 634

İspaniyalı alimlər "hər şeydən yeyin, amma qədərində" ifadəsinin səhv olduğu qənaətinə gəlib.

Milli.Az xəbər verir ki, ispaniyalı dietoloqlar ümumiyyətlə, bəzi məhsulları evdə saxlamamağı məsləhət görüb.

İspaniyalı ekspertlər "az miqdarda və yalnız bayramlarda" da yeyilməməli olan məhsulların siyahısını tərtib edib. "La Vanguardia"nın məlumatlarına əsasən, atılacaq ilk məhsul rəfinə edilmiş undan hazırlanan məmulatlardır. Onun istifadəsi qanda şəkər səviyyəsinin artmasına səbəb olur, bu isə sonradan diabetə gətirib çıxara bilər.

Dietoloqlar hər gün xəstələrin gündə bir qədəh şərab və ya pivənin sağlamlığa faydalı olması inancına da münasibət bildirib. Sağlam qidalanma üzrə ispaniyalı ekspert və Kastellondakı Gasma məktəbinin professoru Pilar Eskerin sözlərinə görə, bu inanc nəinki səhvdir, hətta əsl vəhşilikdir.

Maraqlıdır ki, zərərli məhsulların siyahısına bizə mağazalarda faydalı, yağsız, şəkərsiz və yüngül adı altında sırınan qablaşdırılmış məhsullar da daxildir. Belə məhsullar yüksək kalorili olaraq qalır (qatqı maddələrin hesabına), eyni zamanda qidalandırıcı deyil və bir neçə saatdan sonra yenidən aclıq hissi yenidən baş qaldırır. Odur ki, bu siyahıya yağsız süd və süd məhsulları da daxildir.

Mütəxəssislər onu da əlavə edib ki, kolbasa və digər ət konservlərini də almamalısınız. Burda təbii ət ən yaxşı halda 5 faizdir, qalan hissəsini nişasta, iştah artırıcı və digər qatqı maddələri təşkil edir. Dietoloqlar kolbasa və sosiska kimi məhsulları ev paşteti, yumurta və digər ev yeməkləri ilə əvəz etməyi məsləhət görürlər.

Reklamda göstərilən dənli bitkilərdən hazırlanan peçenye ilə səhər yeməyi də faydalı deyil. Dietoloqların sözlərinə görə, onlar günə başlamaq üçün ideal deyil:

"Bunlar asılılıq yaradan çox dadlı qidalardır və bu, pəhrizin keyfiyyətinin xeyli pisləşməsinə səbəb olur". (publika.az)

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.