Sağlamlıq

Stresi saniyələr içində yox edən MƏŞQLƏR

19 Aprel 2026 04:04

Baxış: 2 026

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #PSİXOLOGİYA

Beynəlxalq balet və dartınma studiyaları şəbəkəsi "LEVITA"nın baş məşqçisi Akulina Baxturina stresi dərhal aradan qaldıran ən effektiv məşqləri açıqlayıb.

Milli.Az oxu.az-a istinadən xəbər verir ki, mütəxəssis bu barədə "Lenta.ru"ya müsahibəsində danışıb. A.Baxturina bildirib ki, "SOS-məşqlər" adlanan bu hərəkətlər mətbəxdə, ofisdə və ya tıxacda - bir sözlə, istənilən yerdə yerinə yetirilə bilən sürətli və sadə üsullardır. Onların məqsədi ritmik hərəkətlər və düzgün nəfəsalma texnikası vasitəsilə sinir sistemini sakitləşdirmək, əzələ gərginliyini azaltmaq, ürək döyüntüsünü tənzimləmək və zehni rahatlatmaqdır.

Məşqçi xüsusilə üç nahiyəyə - çiyin qurşağına, nəfəsalmaya və gövdə əzələlərinə diqqət yetirməyi tövsiyə edir. Onun sözlərinə görə, stres orqanizmdə özünü daha çox çiyinlərin gərginləşməsi, çənənin sıxılması və ya qamətin əyilməsi şəklində büruzə verir.

Gərginliyi azaltmaq üçün tətbiq edilə biləcək sadə texnikalara aşağıdakılar daxildir:

1. Düzgün duruş: Başı yuxarı qaldırarkən ayaqları yerə möhkəm basmaq və dərin nəfəs almaq;

2. Çiyin hərəkətləri: Çiyinləri geriyə doğru çəkərək gərginliyi atmaq;

3. Yüngül aktivlik: Bədəni yüngülcə yelləmək və ya yerində çömbəlib-qalxma hərəkətləri etmək.

Milli.Az