Sağlamlıq

Dırnaq yemə vərdişinin altında yatan real psixoloji faktor açıqlandı

6 Yanvar 2026 12:00

Baxış: 1 294

VTB-də minimal faiz dərəcəsi ilə nağd kredit 10.49%-dən

#CƏMİYYƏT #SAĞLAMLIQ

Klinik psixoloq Çarli Heriot-Meytlend insanların özünə zərər verən davranışlarının əslində beyin tərəfindən qoruyucu mexanizm kimi istifadə edildiyini bildirib.

Milli.Az xəbər verir ki, o, yeni kitabında dırnaq yemək, işi təxirə salmaq, özünü tənqid etmək və münasibətlərdən qaçmaq kimi davranışların sağ qalma instinkti ilə bağlı olduğunu qeyd edib.

"Beyin xoşbəxtliyi deyil, təhlükəsizliyi prioritet sayır və daha böyük risklərdən qorunmaq üçün kiçik, idarə olunan zərərlərə üstünlük verir".

Psixoloq izah edib ki, məsələn, insan tənqid və ya uğursuzluq qorxusuna görə işi təxirə sala bilər. Bu zaman beyin naməlum və nəzarətsiz təhlükə əvəzinə, özünün yaratdığı daha proqnozlaşdırılan stressi seçir.

Heriot-Meytlend bildirib ki, perfektsionizm də oxşar mexanizmlə işləyir. İnsan səhvdən qaçmaq üçün detallara həddindən artıq fokuslanır və bu, zamanla stress və emosional tükənməyə səbəb ola bilər.

Mütəxəssis əlavə edib ki, özünütənqid də beyinin nəzarət hissini bərpa etmək cəhdidir. Lakin bu davranışlar özünü doğruldan proqnozlara çevrilərək insanın performansını və münasibətlərini zəiflədə bilər.

Psixoloqun fikrincə, bu davranışlarla mübarizə aparmaq əvəzinə, onların yaranma səbəblərini anlamaq vacibdir. O vurğulayıb ki, əsas məqsəd bu mexanizmləri nə tamamilə boğmaq, nə də onların həyatımıza nəzarət etməsinə icazə verməkdir.

İsmayıl
Milli.Az