Şirin içkiləri bu formada içəndə dişlərə zərər vurmur - Açıqlama

Diş sağlamlığının qorunmasında düzgün qidalanma vacib rol oynayır. Həm müəyyən qidaları məhdudlaşdırmaq, həm də dişlərə ciddi zərər verə biləcək içkilərdən çəkinmək önəmlidir.

Milli.Az xəbər verir ki, bu barədə rusiyalı stomatoloq Yuliya Korolyuk danışıb.

Onun sözlərinə görə, xüsusilə qazlı və enerji içkiləri təhlükəlidir. Onlar dişlərin səthini kobudlaşdırır, nəticədə diş üzərində ləkələrin və mikroorqanizmlərin daha asan yapışmasına şərait yaradır, kariyes riskini artırır.

"Şirin içkilər dişlərin minerallaşma və demineralizasiya proseslərinin balansını pozur. Şirin içkilər ağız mühitini turşudur, bu da mineralların dişdən çıxmasına səbəb olur və kariyes riskini yüksəldir. Tez-tez şirin içki içən insanların tükürək vəzilərinin fəaliyyəti də zəifləyir, tüpürcək daha yapışqan olur və qoruyucu xüsusiyyətlərini itirir", - deyə Korolyuk bildirib.

Bundan əlavə, tez-tez təbii, konsentratlaşdırılmamış şirələr, paketlənmiş şirələr, spirtli içkilər (xüsusilə şərab), həmçinin qəhvə, çay, qazlı və enerji içkiləri dişlərin kariesə bağlı olmayan zədələnmələrinə səbəb ola bilər. Bunun əsas səbəbi içkilərdəki üzvi və qeyri-üzvi turşuların dişlərin sərt toxumalarından kalsiumu yuyaraq, mina təbəqəsini zəiflətməsidir.

Qəhvə və çay, xüsusilə yaşıl çay isə taninlər ehtiva edir, bu maddələr dişləri saraldır və dişlərə sarı və ya qəhvəyi çalar verir. Belə ləkələrdən yalnız stomatoloq tərəfindən peşəkar təmizləmə ilə xilas olmaq mümkündür.

Korolyuk tövsiyə edir ki, əgər şirin içkilər istənilirsə, təbii şirələr, mürəbbələr və kompotlar içilsin. Onları su ilə qarışdırmaq, yemək zamanı az miqdarda içmək və içərkən pipetdən istifadə etmək yaxşıdır. İçdikdən sonra isə ağızı su ilə yaxalamaq və ya beş dəqiqə ərzində şəkərsiz ksilit tərkibli saqqız çeynəmək tövsiyə olunur.

İsmayıl
Milli.Az