Sağlamlıq

Yeni virusun əlamətləri nələrdir?

30 İyun 2025 17:06
Baxış: 1 213
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Son günlər uşaqlar arasında parvovirus infeksiyasının yayılması müşahidə edilir.

Milli.Az xəbər verir ki, valideynlərin verdiyi məlumata görə, bu virus əsasən qızdırma və dəridə qızartılarla özünü göstərir.

Pediatr Bahar Cəbrayılova bildirir ki, parvovirus daha çox 5-15 yaş arası uşaqlarda rast gəlinir. Kiçik yaşlı uşaqlarda xəstəliyin əsas simptomları qızdırma, boğaz ağrısı və qaşıntıdır. Daha böyüklərdə isə oynaq ağrıları və baş ağrıları da müşahidə oluna bilər:

"Xəstəliyin ilkin mərhələsində burun axıntısı və qaşıntı yaranır, bir müddət sonra isə uşaqların yanaqlarında "şillə izi"nə bənzər qızartılar meydana çıxır. Müalicə simptomlara yönəlib, qızdırma və qaşıntı aradan qaldırılır. Adətən, bu vəziyyət bir həftə davam edir" - deyə pediatr əlavə edib.

Qeyd edək ki, parvovirusdan qorunmaq üçün panikaya qapılmadan vaxtında tədbir görmək vacibdir. Bu virus ciddi təhlükə yaratmasa da, gecikmək riski artır. Əgər uşağınızda bu əlamətlər varsa, mütləq həkimə müraciət edin.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.