Sağlamlıq

Bu kişilərin uşağı olmur

6 İyun 2025 23:00
Baxış: 2 191
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #SAĞLAM QİDA

ABŞ-də aparılan elmi araşdırma süni şirinləşdirici "sucralose"un (Splenda adı ilə tanınır) kişi sonsuzluğuna səbəb ola biləcəyini göstərib.

"Environmental Health Perspectives" jurnalında dərc olunan araşdırmada siçanlar üzərində aparılan təcrübələr nəticəsində sperma keyfiyyətində ciddi azalma, hormonal balansda pozulma və xaya toxumalarında struktur zədələnmələr qeydə alınıb. Alimlər qeyd ediblər ki, istifadə edilən doza real həyatda qəbul ediləndən bir qədər yüksək olub, amma nəticələr yenə də ciddi riskdən xəbər verir.

Son 50 ildə kişilərdə sperma sayının 50 faiz azalması bu problemin təkcə Splenda ilə bağlı olmadığını, həm də qeyri-sağlam qidalanma, stres, elektromaqnit şüalanma, siqaret və alkoqol kimi faktorlarla yanaşı, süni şirinləşdiricilərin də mümkün təsirini gündəmə gətirib.

Mütəxəssislər xəbərdarlıq edirlər ki, "kalorisiz şirinlik" vədi ilə gündəlik qidalanmaya daxil edilən bu maddələr gələcəkdə reproduktiv sağlamlığa ciddi ziyan vura bilər. Araşdırma nəticələrinin insanlar üzərində də təsdiqlənəcəyi təqdirdə, süni şirinləşdiricilərə dair mövcud yanaşmanın tamamilə dəyişməsi gözlənilir.

Həkimlər artıq indi bu cür əlavələrə ehtiyatla yanaşmağı və mümkün qədər təbii məhsullara üstünlük verməyi tövsiyə edirlər. Çünki bəzi "şirin" alternativlər sizi gələcəkdə ata olmaq şansından məhrum edə bilər.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.