Sağlamlıq

Yatmazdan əvvəl çimənlərə alimdən xəbərdarlıq

28 May 2025 20:44
Baxış: 7 000
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

ABŞ-də aparılan sorğulara görə insanların 42 faizi səhər, 25 faizi isə axşam çimməyə üstünlük verir. Səhər duş qəbul edənlər günə daha ayıq və təravətli başlamaq istədiklərini deyirlər. Axşam çimənlər isə təmiz halda yatağa girməyi üstün tuturlar.

Milli.Az xəbər verir ki, Britaniyalı klinik mikrobioloq Dr. Primrose Freestone bildirib ki, gün ərzində bədənə toz, kir, allergen və yağ toplanır. Bunlar dəridəki mikrobiom tarazlığını poza və bakteriyaların çoxalmasına səbəb ola bilər. Axşam duş bu çirkləri təmizlədiyi üçün faydalı hesab edilir. Ancaq bu da tam həll sayılmır. Çünki gecə yatarkən insan tərləyir və bu, bakteriyaların artmasına səbəb ola bilər.

Freestone qeyd edib ki, dərimiz gündə təxminən 1,5 qram ölü hüceyrə tökür. Bu qalıqlar yataqda toplanaraq toz gənələri üçün qida mənbəyinə çevrilir. Gənələrin özü insanı dişləməsə də, onların ifrazatı allergiya və astma kimi problemləri ağırlaşdıra bilər.

Mütəxəssislər bildirirlər ki, səhər və ya axşam duş qəbul etmək şəxsi seçimdir. Amma vacib olan yataq dəstlərinin təmizliyidir. Onların sözlərinə görə, çarpayı dəstləri həftədə bir dəfə, yay aylarında isə daha tez-tez yuyulmalıdır. Ev heyvanı olanlarda və allergiyası olan insanlarda bu müddət 3-4 günə endirilməlidir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.