Bədəniniz üçün hansı idman növü daha yaxşıdır?

İdman bədən formanızda dəyişiklik yaratmaq üçün əla üsuldur. Hər bir idman növü bədənizi fərqli şəkildə formalaşdırır. İstər daha möhkəm ayaq, istər müəyyənləşmiş qol əzələləri, istərsə də daha dik duruş arzulayın.

Milli.Az sizə səkkiz məşhur idman növünü təqdim edir və bədəninizə necə müsbət təsir etdiklərini açıqlayır:

Yüngül qaçış

Qaçış və çəki itirmək çox vaxt birlikdə yada düşür və səbəbsiz deyil: 60 dəqiqə qaçış bədəndə 600 kalori yandırır. Amma bu idman növü daha çoxunu edə bilər. Müntəzəm qaçış sizin dözümlülüyünüzü artırır və bütün bədəninizi məşq etdirir. Xüsusilə ayaq əzələləriniz güclənir, amma kökəlmir. Bu, ayaqlarınızın daha tonuslu görünməsini təmin edir. Qarın əzələləriniz də yaxşı işləyir və hətta qollarınız da məşq olunur. Arxa əzələləriniz güclənir, bu isə bel ağrılarını azalda bilər.

Gəzmək

Bəlkə də idman kimi səslənmir, amma gəzmək fitness və sağlamlıq üçün çox faydalıdır. Bir neçə tədqiqat göstərir ki, ən azı 30 dəqiqə gəzmək - hətta orta və ya rahat sürətlə - beyin funksiyası və bədən üçün faydalıdır. Son tədqiqatda 60-88 yaş arası yetkinlərin gündə 30 dəqiqə 4 həftə gəzmək nəticəsində beyin performansı və yaddaşının yaxşılaşdığı aşkar olunub.

Üzgüçülük

Əzələ qurmaq və yağ yandırmaq istəyirsinizsə, üzgüçülük də az zərərli və yaxşı seçimdir. Müxtəlif üzgüçülük texnikalarını dəyişərək bütün bədəninizi məşq etdirə bilərsiniz. Arxa, sinə və çiyin əzələləriniz güclənir və bir az genişləyir, kalçalar və ayaqlar da məşq olunur. Bu, bədəninizi tamamilə möhkəmləndirir. 60 dəqiqə sürətli üzgüçülük zamanı bədən 430 kalori yandırır. Son araşdırmalara görə, üzgüçülük stressi azaltmağa və depressiyanı önləməyə kömək edir.

Velosiped sürmək 

Velosiped sürmək əsasən dözümlülük əzələlərinizi gücləndirir. Nəticədə nazik və möhkəm ayaqlar, möhkəm kalça əldə edirsiniz. Xüsusilə baldır əzələləriniz formalaşır. Velosiped sürmək dözümlülüyü artırır və oynaq zədələnmələrinə yol vermir. 60 dəqiqə velosiped sürmək təxminən 350 kalori yandırır.

Tennis

Tennisdə xüsusilə qollar və çiyinlər məşq olunur və böyüyür. Həmçinin, bədən gövdəsi də işləyir, tez ritm və istiqamət dəyişiklikləri xüsusilə ayaq əzələlərini, xüsusilə də budları işlədir. Təəssüf ki, məşq biraz tərəfli olur, çünki çox hərəkətlər ya sağ, ya da sol tərəfdən edilir. 60 dəqiqə tennis təxminən 350 kalori yandırır.

Yoqa

Müntəzəm yoqa bütün bədən üçün əla ümumi proqramdır. Daha elastik olmağınızı təmin edir və incə, müəyyənləşmiş əzələlər yaradır. Yoqa əsasən qollar və çiyinləri məşq etdirir. Amma dərin əzələləri də işə salır və qarınınızı düz və tonuslu edir, belinizi incəldir. Duruşunuzu daha dik edir və daha çox özünəinam yaradır. Yoqa həmçinin bel ağrıları və menstruasiya ağrılarını da yüngülləşdirə bilər. Yoqa növündən asılı olaraq, 90 dəqiqə 800 kalori yandıra bilər.

Sörf 

Sörf zamanı koordinasiya və dözümlülük inkişaf edir. Çiyinləriniz, yuxarı qollarınız, budlarınız və kalçalarınız güclənir. Qarın əzələləri balansı saxlamaq üçün daim gərgin olur, buna görə də bədən gövdəsi də məşq olunur. Bədəniniz incəlir, tonuslanır. 60 dəqiqə sörf təxminən 400 kalori yandırır.

Kənan
Milli.Az