Sağlamlıq

Hər gün sarımsağı bişirib yeyin, görün nə olur

25 Yanvar 2025 09:54
Baxış: 2 070
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #RESEPTLƏR #QİDA #MEYVƏ-TƏRƏVƏZ

Sarımsaq yemək hər baxımdan faydalıdır. Amma həkimlər sarımsağı qaynadıb və ya bişirib yeməyi daha faydalı hesab edir.

Milli.Az xəbər verir ki, həkim Vladimir İvanov bildirib ki, bişmiş sarımsaq öz qiymətli xüsusiyyətlərinə görə təzə sarımsağı geridə qoyur.

"Bişirdikdə, xüsusən sobada sarımsağın tərkibində mədənin selikli qişasını qıcıqlandıran birləşmələr məhv olur. Sarımsaq yüksək turşuluq və ya mədə-bağırsaq xəstəlikləri olan insanlar üçün zərərli ola bilər.

İstilik müalicəsi sarımsağın tərkibindəki vitamin və mineralları məhv etmir. Qaynadılmış sarımsaq həmçinin hüceyrələri zədələnmədən qoruyan və qocalma prosesini ləngidən antioksidanların əhəmiyyətli bir hissəsini saxlayır", - İvanov deyib.

Bundan əlavə, həkim hesab edir ki, qaynadılmış sarımsağın müntəzəm istifadəsi xolesterinin səviyyəsini azaltmağa və qan təzyiqini normallaşdırmağa kömək edir.

İvanov xəbərdarlıq edib ki, əgər qaraciyər və ya böyrək xəstəliyiniz varsa, qaynadılmış sarımsağı qəbul etməzdən əvvəl həkimə müraciət etməlisiniz:

"Sarımsağın tərkibində olan efir yağları və allisin mədə-bağırsaq traktının, öd yollarının və sidik yollarının selikli qişalarını qıcıqlandırır. Onu istifadə edərkən, bu orqanların xroniki patologiyalarını artıra bilərsiz". /Medicina.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.