Sağlamlıq

Ev heyvanı saxlayanlar, DİQQƏT: Virus var

24 Yanvar 2025 07:01
Baxış: 1 046
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ #XƏSTƏLİK #HEYVANLAR #QUŞ QRİPİ

ABŞ Qida və Dərman İdarəsi (FDA) ev heyvanlarının qidasında istifadə edilən işlənməmiş məhsulların quş qripi (H5N1) virusu ilə çirklənməsi barədə ciddi xəbərdarlıq edib.

Milli.Az xəbər verir ki, CNN-in məlumatına görə, ABŞ-ın Oreqon ştatında yaşayan Cəmilə Akfalle adlı şəxs pişiyi Villianın qəfil ölümünü araşdırıb və onun quş qripi virusuna yoluxduğunu öyrənib. Villianın çirklənmiş pişik yeməyi səbəbindən öldüyü təsdiqlənib.

Mütəxəssislər bildirirlər ki, çiy qidalar getdikcə daha çox populyarlaşsa da, bu məhsulların emal olunmaması onları virus və bakteriyalar üçün əlverişli mühitə çevirir. Heyvan sahiblərinə xüsusilə çiy ət və süd tərkibli qidaları seçərkən ehtiyatlı olmaları, məhsulun etiketlərini diqqətlə yoxlamaları tövsiyə olunur.

FDA quş qripi təhlükəsi ilə bağlı qida istehsalçıları üzərində nəzarəti gücləndirib və bəzi körpə qidaları bazardan çıxarılıb. Növbəti dövrdə qida məhsullarına dair qaydaların daha da sərtləşdiriləcəyi gözlənilir.

Heyvan sahibləri qida seçimində diqqətli olmalı, məhsulların tərkibini yoxlamalı və mümkün risklərdən qorunmaq üçün gigiyena qaydalarına əməl etməlidirlər.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.