Sağlamlıq

Evlərdəki əsl mikrob yuvası: Tualetdən 17 min dəfə daha çirklidir

12 İyul 2024 16:04
Baxış: 1 420
VTB-də minimal faiz dərəcəsi ilə nağd kredit 9.9%-dən
#EV

Əvvəlki araşdırmalar tualetin, qapı tutacaqlarının, kranların və hətta telefonların ən çirkli yerlər və əşyalar olduğunu göstərmişdi.

Lakin son araşdırmanın nəticəsi tamamilə fərqli olub.

Milli.Az medicina.az-a istinadən xəbər verir ki, uzun müddət dəyişdirilməyən yastıq üzü və çarşafların əsl mikrob yuvası olduğu açıqlanıb.

Məsələn, yastıq üzlükləri ən çirkli tualetlərdən 17 min dəfə daha çirklidir, çarşaflar isə cəmi bir həftə ərzində hamam qapısının tutacağından təxminən 25 min dəfə çox bakteriya toplaya bilir.

Mövzuyla əlaqədar Prof. Dr. Ergün Tozkoparan bunları deyib:

"Çarşaflar və yastıq üzlükləri mikrobların artması üçün uyğun mühit yaradır. Allergiyaya səbəb olan bəzi parazitlər də buralarda özlərinə uyğun mühit tapırlar. Həmin parazitlər allergik xəstəliklərə səbəb ola bilər".

Professor həftədə bir dəfə çarşafları yumağın kifayət etmədiyini, yatağın da tez-tez təmizlənməli olduğunu diqqətə çatdırıb.

O qeyd edib ki, yataqdakı natəmizlik həssas insanlarda astma tutmalarına səbəb ola bilər.

"Qrip, yuxarı tənəffüs yolları allergiyası olan insanlarda asqırma, burun axıntısı və xroniki öskürəyə səbəb ola bilər. Həmçinin nəfəs darlığı və xırıltı kimi əlamətlər üzə çıxa bilər. Bu hallarda allergiyanın şiddəti insandan insana dəyişir".

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.