İqtisadiyyat

Azərbaycanın mineral suyu Avropa bazarlarına ixrac olunacaq - FOTO

22 Oktyabr 2021 14:36

0 Şərh Baxış: 1 258

VTB-də minimal faiz dərəcəsi ilə nağd kredit 9.9%-dən

"Badamlı" Mineral Sular Zavodu ixrac gücünü artırmağı hədəfləyir.

Bunu Trend-ə açıqlamasında Badamlı Mineral Sular Zavodunun direktoru Hümbət Qəhrəmanov deyib.

Onun sözlərinə görə, "Badamlı" mineral suları Avropa bazarlarına ixrac olunacaq. Hazırda lisenziya alınması üzrə işlər aparılır:

"Özbəkistan və Ukrayna bazarlarında artıq fəaliyyətlərimiz başlayıb. Bu yaxınlarda Kanadaya ilk ixracımızı həyata keçirdik. Hazırda 5 ölkəyə məhsul ixrac olunur. Bunlar Çin, Qazaxıstan, Rusiya, İraq, BƏƏ-dir. Çin, Rusiya bazarları prioritet bazarlardır".

Direktor qeyd edib ki, "Badamlı" mineral sularının Rusiya bazarındakı payı ildən-ilə artır:

"Rusiya bazarı bizim üçün yad bazar deyil. "Badamlı" 80-90-cı illərin sonlarına qədər orada fəaliyyət göstərib və bilinən markadır. Minerallıq cəhətdən isə digər rəqib sulardan heç də geri qalmır. Hətta onlardan üstün olduğunu deyə bilərəm. Rusiya bazarında ildən-ilə bizim payımız genişlənir. Bu istiqamətdə bir çox işlər görürük".

O bildirib ki, hazırda zavodun illik istehsal həcmi 150 milyon butulkadır:

"90-cı illərin sonlarına qədər "Badamlı" gündəlik 1 milyon ədəd ixrac gücünə malik idi. Hazırda biz o rəqəmə çatmaq üçün çalışırıq. 18 çeşiddə məhsulumuz mövcuddur. Gələcəkdə bunların sayını artırmağı da düşünürük".

Qeyd edək ki, "Badamlı" suları 1947-ci ildən istehsal olunur. Hazırda zavodda 24 saat istehsal prosesi gedir.

Milli.Az