İqtisadiyyat

Bakıda otellərdə qiymətlər arta bilər - SƏBƏB

7 İyun 2021 19:44
Baxış: 952
VTB-də minimal faiz dərəcəsi ilə nağd kredit 9.9%-dən
#TURİZM

Hazırda Bakıda otellərdə olan qiymətlər regionda olan qiymətlərdən daha ucuzdur. Bunun da əsas səbəbi odur ki, bu gün pandemiya səbəbindən vətəndaşlar istirahət üçün daha çox regionlara üz tutur və regionlara tələbat daha çoxdur.

Milli.Az bildirir ki, bunu Trend-ə açıqlamasında turizm məsələləri üzrə ekspert Ceyhun Aşırov deyib.

O bildirib ki, xüsusilə həftə sonları regionlara gedənlərin sayı daha çox olur: "Ancaq paytaxta daha çox xarici turistlər gəlirdi. Pandemiya səbəbindən turistlərin gəlməməsinə görə paytaxt otellərinin doluluğu çox aşağıdır və bunun da müqabilində qiymətlər aşağıdır. Amma yollar açıldıqdan sonra qiymətlər müəyyən dərəcədə tənzimlənəcək, nisbətən qiymətlərdə artım olacaq".

Ekspert bildirib ki, Azərbaycan tərəfindən müəyyən ölkələrə yumşalmaların tətbiq edilməsi həm həmin ölkələrdən Azərbaycana gələn, həm də Azərbaycandan o ölkələrə gedən turistlərin sayını artıracaq: "Burada ciddi artımdan söhbət getmir əlbəttə, amma müəyyən artımın olacağı gözlənilir. Bu isə öz növbəsində otellərdə doluluğun səviyyəsini artıracaq".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.