İqtisadiyyat

Azərbaycan ötən il xaricə 13.4 milyon dollarlıq tütün satıb

25 Sentyabr 2020 14:08
Baxış: 501

Ötən il Azərbaycanda 3.1 min hektar sahədə tütün əkilib.

Milli.Az xəbər verir ki, bu barədə Trend-ə Kənd Təsərrüfatı Nazirliyindən məlumat verilib.

Məlumatda bildirilir ki, bu il də 3.1 min hektar sahədə əkin aparılıb: "2019-cu ildə ölkədə 6 min ton tütün istehsal edilib. 2020-ci ilin yanvar-avqust ayları ərzində tütün istehsalı 3.8 min ton olsa da, hazırda tütün yığımı davam edir. Tütünün məhsuldarlığı 2019-cu ildə 19.3 sent/ha olub. Ötən il məhsuldarlıq səviyyəsi 2018-ci ilə nisbətən 1.6 % artıb. Azərbaycanda istehsal edilən tütünün hamısı ixrac edilir. 2019-cu ildə 6.4 min ton (400 kq. əvvəlki ildən qalan tütün) və ya 13.4 milyon dollar həcmində tütün xaricə satılıb. Ötən il tütün ixracı 2018-ci illə müqayisədə 53.5% artıb. Tütünün əsas ixrac bazarı Rusiyadır".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.