İqtisadiyyat

Kinkan bol, qiymət münasib

5 Yanvar 2026 20:51

Baxış: 2 543

VTB-də minimal faiz dərəcəsi ilə nağd kredit 9.9%-dən

#İQTİSADİYYAT #QİYMƏT

Bir müddətdir ki, Astaranın sitrus bağlarında kinkan yığımına başlanılıb. Rayonun sitrusçuluqla məşğul olan fermerləri və məhsul istehsalçıları bildirirlər ki, mövsümün əlverişli keçməsi kinkanın məhsuldarlığına müsbət təsir göstərib. Onların sözlərinə görə, bu il məhsuldarlıq ötən illə müqayisədə daha yüksəkdir.

Milli.Az xəbər verir ki, bağ sahibləri bu il məhsuldarlıqdan razı qalsalar da qiymətlər fərqlidir:

"Bu il məhsul bol olub, hava şəraiti də bizim üçün əlverişli oldu, ona görə ağaclar yaxşı bar verib. Yığım prosesi mart ayına qədər davam edəcək. Məhsulun böyük hissəsini həm rayon, həm də paytaxt bazarlarına göndərməyi planlaşdırırıq. Tələbat yüksək olduğundan satışda da problem gözləmirik. Hazırda bir kiloqramının qiyməti 1-1,50 manat civarında dəyişir. Kinkan bizim iqlimə yaxşı uyğunlaşıb, ona görə də illərdir bağlarımızda becəririk və hər mövsüm daha yaxşı nəticə əldə edirik".

Fermerlər bildiriblər ki, əldə olunan məhsulun böyük hissəsi yerli bazara çıxarılır.

Qeyd edək ki, Astara rayonunda, ümumilikdə, 108 hektar kinkan bağı mövcuddur. Keçən il bu bağlardan hər hektara 73 sentner məhsul yığılıb.

Aysel Əkbər
Milli.Az