İqtisadiyyat

Toydan sonra ƏDV niyə verilmir? - AÇIQLAMA

25 Aprel 2025 13:13

Baxış: 645

VTB-də minimal faiz dərəcəsi ilə nağd kredit 10.49%-dən

#İQTİSADİYYAT

Toydan sonra ƏDV (Əlavə Dəyər Vergisi) verilməməsi məsələsi Azərbaycanda bir çox insanı maraqlandıran və bəzi hallarda qarışıqlığa səbəb olan mövzulardan biridir. Əslində, toy mərasimləri və ona aid olan xərclər, vergi siyasətinə görə fərqli bir yanaşma tələb edir.

Milli.Az xəbər verir ki, toy təşkilatçıları, xidmət göstərən firmalar və digər iştirakçılar vergi məsələlərini düzgün şəkildə həll etməli olsalar da, bəzən toydan sonra əlavə dəyər vergisi (ƏDV) tələb olunmur.

Bəs toydan sonra ƏDV niyə verilmir?

Mövzu ilə bağlı bir neçə şadlıq sarayları ilə əlaqə saxladıq.

"Biz çeki vururuq çünki bu tələb olunur. Amma ƏDV vermirik. Ona görə ki, biz 8 faizlə işləyirik. Bunu Vergi də bilir. Amma 18 faizlə işləyən obyektlər ola bilər ki, ƏDV qaytarsınlar".

Digər bir restorandan isə bildirdilər ki, onlar da ƏDV vermirlər. Yalnız toyun çekini veririk.

Məsələ ilə bağlı iqtisadçı Xalid Kərimli bildirib ki, müştəriyə ödəniş qəbzi mütləq verilməlidir.

"Şadlıq sarayları restoranlar kimi heç bir fərqi yoxdur. Vergi məcəlləsinə görə, şadlıq sarayı satdığı məhsullar ərzaqlar ƏDV predmetlidirsə, təbii ki, ödənilmiş ƏDV-nin də müəyyən məbləği geri qaytarılmalıdır vətəndaşa. Amma ƏDV ödəyicisi sadələşdirilmiş vergi ödəyicisidirsə, artıq burda ƏDV geri al məsələsi olmayacaq".

Görünən odur ki, şadlıq saraylarının əlavə gəlir vergisinə cəlb olunması hələ sual altındadır.

Aysel Əkbər
Milli.Az