İqtisadiyyat

Azərbaycanda bu tikinti materialları bahalaşıb

23 May 2023 19:24
Baxış: 2 288
VTB-də minimal faiz dərəcəsi ilə nağd kredit 9.9%-dən
#İQTİSADİYYAT

Azərbaycanda tikinti mövsümünün başlaması tikinti materiallarının qiymətinə az təsir edib.

Bu Trend-ə açıqlamasında əmlak məslələri üzrə ekspert Ramil Qasımzadə deyib.

Onun sözlərinə görə, yalnız bir neçə materialın qiymətində cüzi bahalaşma var.

"Əsasən dəmir və armaturların qiymətində 20%-ə qədər bahalaşma var. Sement məhsullarında qiymət bir qədər bahalaşıb. Belə ki, əvvəl bir kisə sement 6,50 manat idisə hazırda qiymətlər 7-8 manat arasında dəyişir. Şeben və qumun qiymətində də artım var. Bir kisədə 80 qəpik bahalaşma müşahidə olunur."

Ekspert bildirib ki, taxtanın qiyməti isə bir neçə aydır bir kuba görə 350-380, biitium isə 22 manatdır.

"Kərpic və kubiklərin qiymətində heç bir dəyişiklik yoxdur. Bu materialların qiymətinin bahalaşması əsasən daşımalarda tətbiq edilən qadağalara görədir. Belə ki, əvvələr yük daşıyan maşınlar bir qədər artıq götürüb ucuz satırdılar. İndi isə mümkün deyil.Ölkəmizə əsasən tikinti materialları Rusiya və Türkiyədən idxal olunur. Son dövrlər bir neçə ölkənin Rusiyaya qoyduğu sanksiyalardan dolayı ölkəmizə tikinti materiallarının idxalı artıb",- deyə o qeyd edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.