İqtisadiyyat

Sumqayıt-Yalama dəmiryol xəttinin bərpa olunacağı tarix açıqlandı

23 Mart 2023 10:04
Baxış: 1 559
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Asiya İnkişaf Bankı (AİB) hazırda Azərbaycanda dəmiryol sektorunun inkişafı proqramı adlı layihəni maliyyələşdirir.

Bu barədə Trend-ə AİB-nin Azərbaycan üzrə direktoru Kendis MakDeyqan deyib.

Onun sözlərinə görə, layihənin ümumi dəyəri 400 milyon dollar təşkil edir.

"Bu proqram Azərbaycanda dəmiryol xidmətlərinin göstərilməsini və dəmiryol əməliyyatlarının maliyyə dayanıqlığını yaxşılaşdıracaq. Kredit siyasətinə əsaslanan layihə Azərbaycanın dəmiryol sektorunun inkişafında islahatları dəstəkləyir", - K.MakDeyqan əlavə edib.

Layihə çərçivəsində uzunluğu təxminən 166 kilometr olan Sumqayıt-Yalama dəmiryol xətti bərpa olunacaq.

MakDeyqanın sözlərinə görə, layihənin 2024-cü ilin sonunadək başa çatdırılması planlaşdırılır.

"Biz hökumətin prioritetlərinə uyğun olaraq əsas nəqliyyat dəhlizlərinin tranzit imkanlarının artırılmasına əlavə yardım göstərməyə hazırıq ki, bu da regional əməkdaşlığa və Qafqazdan kənarda dayanıqlı ticarətə töhfə verə bilər", - o əlavə edib.

Bu günə qədər AİB Azərbaycana dövlət sektoru üçün ümumi məbləği 3,7 milyard dollar olan 65 kredit, qrant və texniki yardım ayırıb. AİB-nin Azərbaycandakı hazırkı suveren portfelinə 856,8 milyon dollar məbləğində 2 kredit və 1 suveren zəmanət daxildir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.