Mədəniyyət

Beynəlxalq Muğam Mərkəzi görkəmli muğam ifaçıları haqqında onlayn mühazirələri davam etdirir

13 Aprel 2020 20:49

Baxış: 2 516

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT

Beynəlxalq Muğam Mərkəzi (BMM) karantin günlərinin elan edildiyi ilk günlərdən mütəmadi olaraq müxtəlif konsert, elmi-nəzəri və tədqiqat xarakterli layihələrlə tamaşaçıların görüşünə gəlir və onlayn şəkildə öz "Facebook" və "Instagram" səhifəsindən izləyicilərə mədəni xidmət göstərməkdə davam edir.

Milli.Az Trend-ə istinadən bildirir ki, BMM-nin foyesində büstləri qoyulan muğam korifeylərimiz haqqında məruzələri növbəli şəkildə Mərkəzin "Unudulmayanlar" layihəsinin koordinatoru Gülhüseyn Kazımlı və musiqişünas, professor Nailə Rəhimbəyli təqdim edir.

Mühazirələrdə bu günə kimi görkəmli muğam ifaçıları Bülbülcan, Məşədi Məmməd Fərzəliyev, tar ifaçısı Mirzə Fərəc Rzayev, Seyid Şuşinskinin həyat və yaradıcılığından söz açılıb. Layihə izləyicilər tərəfindən maraqla qarşılanır.

Xatırladaq ki, BMM-nin foyesində büstü qoyulan görkəmli muğam ustadları ilə bağlı mühazirələr davamlı olacaq.

Qeyd edək ki, layihənin məqsədi insanları incəsənətə, muğam irsimizə bir addım daha yaxın etmək və milli musiqi alətlərimiz, muğam korifeylərimizi böyük auditoriyaya tanıtmaqdır.

Milli.Az