Mədəniyyət

Gülnarə Xəlilovanın kolleksiyaları Astanada keçirilən ilk ekoloji layihə “Central Asia Green Runway” mükafatına layiq görülüb - FOTO

5 May 2026 15:52

Baxış: 352

VTB-də minimal faiz dərəcəsi ilə nağd kredit 9.9%-dən

Astanada keçirilən beynəlxalq "Central Asia Green Runway" ekoloji moda nümayişi çərçivəsində tanınmış azərbaycanlı dizayner Gülnarə Xəlilovanın kolleksiyaları mükafata layiq görülüb. Tədbir beynəlxalq "RES 2026 EXPO" ekoloji texnologiyalar sərgisi çərçivəsində baş tutub.

Tədbirdə dizaynerin iki yeni kolleksiyası təqdim olunub: "Upcycling" - materialların təkrar istifadəsi və onlara yeni dəyər verilməsi konsepsiyası, həmçinin orta əsr Azərbaycan miniatür sənətindən və xalça ornamentlərindən ilhamlanan "Miniatür" kolleksiyası.

Gülnarə Xəlilova açıqlamasında bildirib ki, "Green Runway Fashion Show" dizaynerlər, ekoloqlar, investorlar və dövlət qurumlarının nümayəndələri arasında dialoq platformasına çevrilib. Onun sözlərinə görə, tədbir Mərkəzi Asiya və Azərbaycanın davamlı moda və kreativ sənayelər sahəsində potensialını nümayiş etdirməyə xidmət edib. Layihə çərçivəsində moda sənayesində estetik dəyərlərin ekoloji məsuliyyət və regional mədəni kimliklə uzlaşdırıldığı yeni model təqdim olunub.

Gülnarə Xəlilova - Azərbaycan Milli Geyim Mərkəzinin rəhbəri, Avrasiya Etno-Dizaynerlər Assosiasiyasının üzvü, sənətşünaslıq üzrə fəlsəfə doktoru və "Cizgi" brendinin sahibidir. Onun kolleksiyaları ABŞ, Böyük Britaniya, İsveç, Avstriya, Rumıniya, Türkiyə, Rusiya, Çin, Qazaxıstan, Qırğızıstan, Özbəkistan, Bolqarıstan, Norveç, Serbiya, Şimali Kipr Türk Respublikası və digər ölkələrdə keçirilən moda həftələrində və beynəlxalq tədbirlərdə uğurla nümayiş olunub.

Milli.Az