Mədəniyyət

Korifeylərimizin yaradıcılığından bəhs edən onlayn mühazirələr

4 Aprel 2020 14:27

0 Şərh Baxış: 1 972

VTB-də minimal faiz dərəcəsi ilə nağd kredit 10.49%-dən

#MƏDƏNİYYƏT

Beynəlxalq Muğam Mərkəzi muğam korifeylərimizin yaradıcılığından bəhs edən onlayn mühazirələr təqdim edir.

Mütəmadi olaraq müxtəlif konsert, elmi-nəzəri və tədqiqat xarakterli layihələrlə tamaşaçıların görüşünə gələn BMM onlayn şəkildə öz "Facebook" və "Instagram" səhifəsindən izləyicilərə mədəni xidmət göstərməkdə davam edir. BMM-nin foyesində büstləri qoyulan muğam korifeylərimiz haqqında məruzələri növbəli şəkildə saat 16:00-da BMM-nin layihə koordinatoru Gülhüseyn Kazımlı sizlərə təqdim edir.

Beynəlxalq Muğam Mərkəzinin muzey hissəsindən qədim musiqi alətləri ekspozisiyasından bol məlumatlar da yaxın günlərdə izləyicilərə təqdim olunacaq.

Qeyd edək ki, layihənin məqsədi insanları incəsənətə, muğam irsimizə bir addım daha yaxın etmək və milli musiqi alətlərimiz, muğam korifeylərimizi böyük auditoriyaya tanıtmaqdır.

Milli.Az