Mədəniyyət

Mərhum bəstəkarın xanımı: “O mahnıları baha qiymətə satacam…”

1 Noyabr 2018 19:44
2 Şərh     Baxış: 2 442
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Mərhum bəstəkar Tahir Əkbərin xanımı Aybəniz Əkbər onun hələ də ifa olunmayan mahnılarından danışıb.

Milli.Az xəbər verir ki, yenicag.az-a açıqlama verən Aybəniz xanım həmin mahnıları yüksək qonorara satacağını bildirib:

"Tahirin heç yerdə səslənməyən mahnıları var. Tahir heç vaxt mahnılarını satmadı, elə ona görə də həyatımızda çox çətinliklər yaşadıq. Amma mən onun yeni mahnılarını satacağam, özü də yüksək məbləğə.

Azərbaycandan bir çox müğənnilər Tahirin mahnılarını oxumaq üçün bizə ağız açdılar. Lakin çoxundan xəbər çıxmadı. İndi də mən israrlıyam, onların heç birinə mahnı vermək fikrim yoxdur. Həmin mahnıları Türkiyədə satacam.

Nə mənə, nə də Tahirin qızına maraqlı deyil ki, burada onun mahnılarını oxudular, ya oxumadılar. Artıq qərarımı vermişəm. Bir yaxşı söz var, sağlığında qiymət verin insanlara.

Sağlığında Takir Əkbərə qiymət verməyən sənətçilər indi bizim üçün maraqsızdırlar. Onlar yalvarsalar da, bu mahnıları oxuya bilməyəcəklər".

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.