Mədəniyyət

"Azdrama"da YENİ QARŞIDURMA

27 Fevral 2015 14:03
0 Şərh     Baxış: 1 370
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Akademik Milli Dram Teatrında rəhbərliklə aktyorlar arasında gərginlik yaranıb.

Bu barədə publika.az-a teatrdakı mənbə məlumat verib. Bildirilib ki, Novruz bayramı ilə əlaqədar Dənizkənarı Milli Parkda keçiriləcək kütləvi tədbirdə iştirak edəcək aktyorların siyahısı hazırlanıb. Bu isə bəzi aktyorların qəzəbinə səbəb olub. Otuz beş nəfərlik siyahıdan ilk məşqdə yalnız 14 nəfər iştirak edib.
 
Digərləri isə müxtəlif bəhanələrlə məşqə gəlməkdən imtina ediblər. Mənbəmiz bildirir ki, əvvəlki illərdə sözügedən tədbirdə "Azdrama"nın kiçik heyəti iştirak edirmiş:

"Əvvəl elə tədbirlərdə fəxri ad alan aktyor və aktrisalar iştirak etmirdilər. İndi isə siyahıya fəxri adı olan, yaşı 60-ı keçmiş aktyorları da daxil ediblər. Onlar isə bu vəziyyəti özlərinə sığışdırmırlar. Halbuki bütün teatrların qaymaq aktyorları və direktorları həmin tədbirdə, məşqlərdə iştirak edirlər. Amma "Azdrama"nın direktoru məşqlərə gəlməyi özünə rəva bilmir".
 
Məsələni diqqətdə saxlayacağıq.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.