Mədəniyyət

Yeni il sehri Milli Auditoriyaya gəlir: “Şelkunçik” baleti səhnədə - FOTO

16 Dekabr 2025 19:53

Baxış: 328

VTB-də minimal faiz dərəcəsi ilə nağd kredit 10.49%-dən

#MƏDƏNİYYƏT

Yeni il ab-havası Meksikanın paytaxtında yerləşən Milli Auditoriyada yaşanacaq. 18-23 dekabr tarixlərində klassik balet sənətinin ən sevilən əsərlərindən biri olan "Şelkunçik" tamaşaçılara təqdim olunacaq. Bu balet artıq Mexiko şəhərində (CDMX) yeni il mövsümünün dəyişməz ənənəsinə çevrilib.

Milli.Az xəbər verir ki, tamaşanın musiqi rəhbəri azərbaycanlı dirijor Əyyub Quliyev olacaq. O, dahi bəstəkar Qara Qarayevin adını daşıyan Azərbaycan Dövlət Kamera Orkestrinin bədii rəhbəri və baş dirijorudur. Konsert zamanı Əyyub Quliyev İncəsənət Teatrının Orkestri ilə birlikdə Pyotr İliç Çaykovskinin unudulmaz "Şelkunçik" musiqisini səsləndirəcək.

Təşkilatçıların bildirdiyinə görə, tamaşa fantaziya, rəqs və emosiyalarla zəngin olacaq və ailə üzvləri ilə birlikdə izləmək üçün ideal mədəni tədbir kimi dəyərləndirilir.

"Şelkunçik" baleti bu qış mövsümündə tamaşaçılara unudulmaz anlar yaşatmaq məqsədi daşıyır və klassik incəsənət sevərlərini bir araya gətirəcək.

Milli.Az