Mədəniyyət

Mədəniyyət Nazirliyindən sənət adamlarının iddialarına CAVAB

21 İyun 2024 20:11

Baxış: 1 193

#MƏDƏNİYYƏT #İNCƏSƏNƏT

Azərbaycanda fəaliyyət göstərən bir qrup kino istehsalçısı və kino sahəsində çalışan sənət adamları peşə fəaliyyətlərini icra etmələrinə ciddi maneələr yaradıldığına dair bəyanatla çıxış ediblər.

Milli.Az xəbər verir ki, Mədəniyyət Nazirliyi məsələyə münasibət bildirib.

Qeyd edilib ki, Azərbaycan Respublikası Nazirlər Kabinetinin 2006-cı il 6 iyul tarixli 165 nömrəli qərarı ilə təsdiq edilmiş "Filmlərin yayımı və nümayişi Qaydaları"nın tələblərinə əsasən Azərbaycan Respublikasının ərazisində yayımına və kütləvi nümayişinə icazə verilən bütün filmlər Mədəniyyət Nazirliyində qeydə alınır və filmlərin dövlət reyestrinə daxil edilir və onlara həmin qaydaların əlavəsinə uyğun vahid formalı yayım vəsiqəsi verilir.

Vurğulanıb ki, sözügedən qaydalarda qeyd olunan meyarlara uyğun filmlərin seçilməsi, reyestrə daxil edilməsi və onlara yayım vəsiqəsinin verilməsi üçün ekspert mövqeyinə zərurət olduğundan Nazirlik yanında kinorejissor, sosioloq, psixoloq, jurnalist, dramaturq və müvafiq sahə üzrə təcrübəyə malik olan bir sıra digər mütəxəssislərdən ibarət tərkibdə Ekspert Şurası yaradılıb:

"Şura filmlərin qanunvericilikdə müəyyən edilmiş meyarlara uyğunluq baxımından qiymətləndirilməsinə dair peşəkar rəy verir və həmin rəy əsasında müvafiq filmin reyestra daxil edilməsi və ona yayım vəsiqəsinin verilməsinə dair Nazirlik tərəfindən qərar qəbul edilib.

Bir daha diqqətinizə çatdırmaq istəyirik ki, burada hər hansı senzuranın tətbiqindən söhbət gedə bilməz".

Milli.Az
Xəbərlərimizi WhatsApp kanalımızdan da oxuyun