Mədəniyyət

“Azərbaycan Rəqs Çempionatı 2024” kuboku uğrunda mübarizənin qalibləri - FOTO

8 İyun 2024 12:03
Baxış: 1 442
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Azərbaycan Gənclər İttifaqı" və "Azərbaycan Rəqs Asssosasiyası"nın birgə təşkilatçılığı ilə Səttar Bəhlulzadə adına Mədəniyyət Sarayında rəqs müsabiqəsi keçirilib.

"Azərbaycan Rəqs Çempionatı 2024" müsabiqəsinə Bakı və Sumqayıt şəhəri ilə yanaşı, Xaçmaz, Gəncə, Oğuz və sair bölgələrimizdən çox sayda rəqqaslar və rəqs kollektivləri qatılıb, kubok uğrunda mübarizə aparıblar.

İştirakçılar yaş kateqoriyalarına, nominasiyalarına uyğun olaraq müxtəlif rəqs növləri-Akrobatik/Gimnastik rəqs, Hip-hop show, Showdance, Bollywood, Klassik Hind, Dünya Xalq Rəqsləri, Folklor Stilizasiya, Folklor Etnik, Folklor Show və sair üzrə çıxış ediblər.

Qaliblər münsif heyətinin- Ülviyyə Həsənova,  Fərhad Əliyev, Fərid İbrahimov, Günel Qasımlı, Nigar Əliyevanın peşəkar dəyərləndirməsi nəticəsində müəyyən edilib.

Layihənin rəhbəri, "Azərbaycan Rəqs Asossasiyası"nın prezidenti Əziz Əzizov öz çıxışında müsabiqənin əhəmiyyətindən bəhs edib: "Müsabiqənin təşkilində məqsəd istedadlı uşaqlara və gənclərə dəstək göstərmək, onların səhnəyə çıxmaları və özlərini inkişaf etdirmələrinə şərait yaratmaqdan ibarətdir. Ən əsası mədəni dəyərləri daha da gücləndirmək, rəqs incəsənətinin mahiyyətini təqdim etməkdir". O, rəqs incəsənətini layiqincə yaşadan, inkişaf etdirən bədii rəhbərlərə öz təşəkkürünü bildirib və onları mükafatlandırıb.

Mükafatlandırma "Azərbaycan Gənclər İttifaqı" İctimai Birliyinin sədr müavini Rəsul Əliyev tərəfindən keçirilib.

Reytinqli müsabiqə olan "Azərbaycan Rəqs Çempionatı 2024"-də öz qalibiyyətləri ilə xüsusi fərqlənənlər "Xəmsə", "Gracia", "Turan", "Qaval" rəqs kollektivləri olmuşdur.

Qeyd etmək lazımdır ki, kollektiv rəqslərdə ən çox qalibiyyət əldə etmiş Gəncənin "Xəmsə Rəqs Ansamblı" çempionlar liqasına düşmüş və dekabr ayında baş tutacaq "Azərbaycan Çempionlar Liqası"nda iştirak edərək Kubok uğrunda mübarizə aparmağa haqq qazanmışdır.

İnformasiya dəstəyi - Trend.Az, Day.Az, Milli.Az, Azernews.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.