Azərbaycanda ağır qəza: 2 ölü, 8 yaralı - YENİLƏNİB

19:10

Hacıqabul rayonunda baş verən yol qəzasında ölən və yaralananların adları açıqlanıb. Hacıqabul Mərkəzi Rayon Xəstəxanasından APA-ya verilən məlumata görə, hadisə zamanı yaralananlardan 8 nəfəri - Tərtər rayon sakinləri, 37 yaşlı Dilşad Məmmədova, 4 yaşlı İmadəddin Zamanov, 32 yaşlı İsmayıl Nəbiyev, 19 yaşlı Aydın Əlizadə, 37 yaşlı Nəsibə Ağamalıyeva, 6 yaşlı Nisə Ağamalızadə, 23 yaşlı Elyas Abbasov və 17 yaşlı Kəmalə Həsənova xəstəxanaya daxil olublar.
 
Qəza zamanı xəsarət alan daha 3 nəfər sərnişin Şirvan şəhər Xəstəxanasına aparılıb. Onlardan şəxsiyyəti hələlik məlum olmayan 1 nəfər ağır vəziyyətdə reanimasiya şöbəsinə yerləşdirilib, digər iki nəfər isə ilkin tibbi yardım göstərildikdən sonra evə buraxılıblar.

Qəza nəticəsində dünyasını dəyişənlər isə Tərtər rayon sakinləri - 31 yaşlı Niyaməddin Zamanov və 39 yaşlı Elman Ağamalıyevdir.

--------
18:28

Bu gün Bakı-Qazax yolunda ağır yol qəzası baş verib. Hadisə 17:00 radələrində Bakı-Qazax yolunun 141-ci kilometrliyində Hacıqabul rayonunun Qarasu kəndi ərazisində qeydə alınıb.

"Ford" markalı, 10 SM 415 dövlət nömrə nişanlı mikroavtobus yoldan çıxaraq aşıb. Qəza nəticəsində iki nəfər ölüb, səkkiz nəfər yaralanıb. Yaralılar Şirvan və Hacıqabul Mərkəzi Rayon xəstəxanalarına yerləşdirilib.

Ölən və yaralananların adları dəqiqləşdirilir.

Milli.Az