Texnologiya

Velosiped istehsalında inqilab - FOTO

1 Sentyabr 2025 00:28

Baxış: 463

VTB-də yüksək depozit faizleri daha çox qazandırır

#TEXNOLOGİYA #VELOSİPED

Fransanın "Cixi" şirkəti "Vigoz" adlı elektrik velosipedini təqdim edib.

Milli.Az oxu.az-a istinadən xəbər verir ki, kompakt avtomobilə bənzəyən nəqliyyat vasitəsi əslində sürücü və bir sərnişin üçün nəzərdə tutulmuş qapalı kuzovlu üçtəkərli velosipeddir.

"Cixi" təxminən on il əvvəl Yuxarı Savoya bölgəsində yaradılıb. Onun ilk modeli "Vigoz" hələ seriya istehsalı mərhələsinə keçməyib.

Velosipedin salonunda iki nəfər bir-birinin ardınca otura bilər. Sürücü nəqliyyat vasitəsini yarı uzanmış vəziyyətdə idarə edir.

Velosipedin pedalları birbaşa elektrik mühərrikini şarj edir. Dönməni asanlaşdırmaq üçün velosipedin gövdəsi əyilir. Dönüşün istiqaməti salondakı iki tutacaqla müəyyən edilir.

Döşəmə altında yerləşən 22 kilovatlıq akkumulyatorla "Cixi Vigoz" 160 kilometr məsafə qət edə bilir. Maksimal sürət 120 km/saatdır. Salonda təhlükəsizlik üçün kəmərlər, rahatlıq üçün kondisioner var.

Milli.Az