Kriminal

Keçmiş həyat yoldaşını zorlamaq istədi, sonra bıçaqladı - Bakıda şok cinayətin TƏFƏRRÜATI

21 Oktyabr 2019 21:45
4 Şərh     Baxış: 4 937

Suraxanı rayonunda keçmiş həyat yoldaşını qətlə yetirməkdə təqsirli bilinən Xosrov Məmmədov məhkəməyə apelyasiya şikayəti verib.

Milli.Az Ölkə.az-a istinadən xəbər verir ki, onun şikayətinə Bakı Apellyasiya Məhkəməsində oktyabr ayının 24-də hakim Qədim Babayevin sədrliyi ilə keçiriləcək məhkəmə prosesində baxılacaq.

Xətai rayon sakini, 1983-cü il təvəllüdlü Xosrov Elman oğlu Məmmədov küçənin ortasında keçmiş həyat yoldaşı, Qaraçuxur qəsəbəsində yaşayan 33 yaşlı Əfsanə Fəxrəddin qızı Məmmədovanı bıçaqla qətlə yetirib. 

X.Məmmədov ərazidə xidmət aparan polis əməkdaşları tərəfindən saxlanılaraq rayon prokurorluğuna təhvil verilib. 

İlkin dindirmə zamanı qətlin motivi məlum olub. Belə ki, Əfsanə Məmmədova ilə Xosrov Məmmədov bir müddətdir ki, boşanıblar, birgə nikahdan övladları da var. Ancaq boşansalar da, Xosrov Əfsanədən əl çəkməyib və zorla onunla cinsi əlaqədə olmaq istəyib. 

Elə bu səbəbdən də qadın Xətai rayon Prokurorluğuna və 37-ci Polis Bölməsinə şikayət edib. Xosrov isə bu şikayətdən əsəbləşərək, keçmiş arvadını öldürmək qərarına gəlib və cibinə bıçaq qoyaraq niyyətini həyata keçirib. 

Bakı Ağır Cinayətlər Məhkəməsində hakim Cavid Hüseynovun sədrliyi ilə baş tutan prosesdə təqsirləndirilən şəxsə hökm oxunub.

Məhkəmənin hökmü ilə Xosrov Məmmədov 17 il müddətinə azadlıqdan məhrum edilib.

Milli.Az 

loading...

Şərh yaz:

4 Şərh:

  • Anonim
    Alina · 21 Oktyabr 21:50110

    Çox az cəza veriblər ən azından 27il verməli idilər bəlkə bu kiçiklər qadınların qanına susamazdılar

    Cavab yaz
  • Anonim
    Esra Ibrahimli(Samaxi) · 21 Oktyabr 23:01100

    Belesine ne yazasan?? Niye bir ömrü yarida qoyursan hansi hakla? Allah ömrüvü kessin saq salamt cixmayasan

    Cavab yaz
  • Anonim
    Türmeyşiq · 22 Oktyabr 05:2520

    Belə öleydun onçun bəs niyə boşandın ay əclaf seni nəhlətə gələsən

    Cavab yaz
  • Anonim
    arzu · 22 Oktyabr 07:5610

    ozu cehenneme yaziqim uwaqa gelir. Ortaliqda qaldi.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.