Kriminal

Arvadını öldürən Qurbanova 18 il həbs verildi

19 Sentyabr 2019 16:22
0 Şərh     Baxış: 666

Bakı Ağır Cinayətlər Məhkəməsində həyat yoldaşını xüsusi amansızlıqla öldürməkdə ittiham olunan 49 yaşlı Tufan Qurbanovun cinayət işi üzrə məhkəmə istintaqı yekunlaşıb.

Milli.Az virtualaz.org-a istinadən xəbər verir ki, məhkəmənin hökmünə əsasən T.Qurbanov 9 il müddətinə azadlıqdan məhrum edilib. Qətl hadisəsi bu il fevralın 11-də Binəqədi rayonu, İsfahanlı küçəsində baş verib. 40 yaşlı Lalə Qurbanova xüsusi amansızlıqla qətlə yetirilib. Onun əri Tufan Qurbanov mətbəx bıçağı ilə qadına 18 zərbə vurub. Daha sonra isə boğazını kəsib. İttihama görə, T.Qurbanov 22 illik ömür-gün yoldaşını başqa şəxslə münasibətdə olduğu üçün qətlə yetirib.

İlkin ifadəsində yaşadığı məhəllədə biabır olduğuna görə bu hadisəni törədib. Hadisədən sonra özü sahə müvəkkilinə zəng vurub deyib ki, "namusumu təmizlədim, gəl məni tut, apar".

Mərhumun anası isə deyilənləri təkzib edir, qızına şər atıldığını, boşanmaq istədiyi üçün əri tərəfindən öldürüldüyünü iddia edir. O, üç uşaq anası olan Lalənin ər evində zülm çəkdiyini, döyüldüyünü, işgəncələrə məruz qaldığını, gecə saatlarında dəfələrlə döyülüb evdən qovulduğunu, əriştə kəsib, düşbərə büküb sataraq pul qazandığını deyib: "Mənim qızım ərinə xəyanət etməyib. Qızımı şərləyirlər".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.