Kriminal

Azərbaycanda polis əməkdaşı bankda işləyən sevgilsinin boğazını kəsdi - YENİLƏNİB - TƏFƏRRÜAT

8 Sentyabr 2019 12:57
8 Şərh     Baxış: 13 343
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

12:57

Milli.Az-ın əldə etdiyi məlumata görə, qətli törədən Orxan Məmmədov Beynəlxalq Bankın Gəncə fililandan bir il əvvəl ayrılıb. 28 yaşlı Orxan Gəncə sakinidir və Daxili İşlər Nazirliyi Baş Mühafizə İdarəsinin Gəncə Regional Bölməsinin polis serjantıdır.

Bildirilir ki, O.Məmmədov polis kimi fəaliyyətini başqa ərazidə davam etdirirmiş.  

Publika.az Göygöl rayonunda törədilmiş qətllə bağlı bəzi məqamları öyrənə bilib.

Bildirilir ki, gecə saatlarında bankda mütəxəssis kimi çalışan 35 yaşlı Günay Cəlillinin yaşadığı və Gəncə çayının sahilində yerləşən evə daxil olan Orxan bıçaqla onun boğazını kəsib. G. Cəlilli hadisə yerində vəfat edib. Həmin əraziyə əvvəlcədən bələd olduğu ehtimal edilən Orxan qaçaraq uzaqlaşıb.
Məlumata görə, Günay Cəlillinin həyat yoldaşı onlar evlənəndən bir müddət sonra vəfat edib. O, qızı ilə birgə bacısının evində yaşayırmış.
İlkin məlumata görə, O.Məmmədov özündən 7 yaş böyük olan qadını qısqanclıq zəminində qətlə yetirib.
Hazırda onun tutularaq istintaqa təhvil verilməsi istiqamətində iş aparlır.
Faktla Göygöl Rayon Prokurorluğunda cinayət işi açılıb.

----------

09:28

Göygöldə bank işçisi qətlə yetirilib. 

Milli.Az qafqazinfo-ya istinadən xəbər verir ki, rayonun Üçtəpə kəndində yaşayan, Beynəlxalq Bankın Gəncə fililanın aparıcı mütəxəssisi Cəlili Günay Yusif qızı yaşadığı evdə boğazından bıçaqlanaraq qətlə yetirilib. 

Məlumata görə, G.Cəlilinin həyat yoldaşı 10 il əvvəl dünyasını dəyişib. O, atası və iki övladı (bir qız, bir oğlan) ilə birgə yaşayırmış. Qətl baş verən gün - ötən gecə isə qadının bibisi onların evində olub.

Məlumata görə qətli, qadının iş yoldaşı, Beynəlxalq Bankın Gəncə filialında mühafizəçi işləyən 28 yaşlı Orxan Məmmədov törədib.

Faktla bağlı Göygöl Rayon Prokurorluğunda cinayət işi açılıb, istintaq gedir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.