Kriminal

Azərbaycanda təzə gəlin asılı vəziyyətdə tapıldı - Dedilər toy gecəsi... - FOTO

8 May 2019 19:24
18 Şərh     Baxış: 15 874

İsmayıllıda 5 ayın gəlini yaşadığı evdə asılı vəziyyətdə tapılıb.

Milli.Az xəbər verir ki, valideynləri və qohumları rayonun Qaraqaya kənd sakini olmuş Mahirənin ölümündə onun həyat yoldaşını ittiham edirlər. Mərhumun ailə üzvlərinin iddialarına görə təzə gəlini əri qısqanclıq zəminində qətlə yetirib. 

Mahirənin dayısı mərhuma zülümlər verildiyini iddia edib:

"Gəl dərdini danış" proqramına "Hamımız Mahirə gəlin köçəndən sonra İvanovkaya qonaq getdik. Ancaq mən oğlanı ora gələn görmədim. Çıxdım gördüm çöldə bir cavan uşaqla oturub. O dayanan yerdən də evinin içinə - qadınlar oturan yerə "xod" var idi. Sanki orada mühafizəçi kimi oturmuşdu ki, bu qız çölə çıxmasın. Kənddə gözümüzün qabağında böyüyən qız olub. Gəlirdi dayıynan necə görüşürdü əvvəl. Orada mən qızı gördüm, oğlan da qapının ağzında oturub tək çörək yeyirdi. Dedim "Sən niyə burada tək oturub çörək yeyirsən?". Cavab verdi ki, guya içəridə yer yoxdur. Amma rəhmətlik Mahirəni qapının arasından gördüm, baxdı mənə. Mən elə bildim ki, o mənə yaxınlaşacaq. Gördüm yox, çəkildi dala. Mən də gəldim ordan, heç kimə də heç nə demədim. Dedim bəlkə təzə gəlindi, söz-söhbət olar. Axırda onlardan çıxıb gələndə bu vaxtacan gəlib görüşməyib. Axı mən gedib görüşməliyəm, oradan kəndə gedirəm. Ora ilə buranın arasında hardasa 40 kilometr məsafə var. Yaxınlaşdım ki, görüşüm, rəhmətlik Mahirə qapının arasından mənə əl verdi. Oğlan da mənim arxamda durmuşdu. Mən onda hiss etdim ki, bu qızın günü gün deyil. Anladım ki, o qız gedən gündən qapılar arxasında saxlanılır. Elə bil hansısa cinayətkardır, məhbus kimi saxlayırdılar. Qız günü-gündən də qup-quru quruyurdu. Mən hiss edirdim ki, o oğlan normal adam deyil. Xoşbəxt ona ərə gələn ilk qızın ailəsidir ki, tez başa düşüb balasını qaytardı".

Təzə gəlinin atası da tükürpədici açıqlamaları ilə diqqət çəkib:

"Bilməzdim balamı belə zülümlə öldürərlər. Birinci gün bizə elçiliyə gələndə bizi aldatdılar. Dedi "Onsuz da biləcəksiniz, ilk evləndiyim qadını toy gecəsi qaytarmışam". Güya o qız uşağı çıxmayıb, toy gecəsi qaytarılıb. Amma yalandır. 40 gün o qızı (birinci həyat yoldaşını) da evində saxlayıb. Əvvəl bilməmişik. 40 gündən sonra qızın anası balasını qaçırdıb onlardan". 

Mahirənin anası isə qızının ölüm xəbərini kürəkənindən aldığını bildirib:

Biz xəstəxanaya çatanda qızımı morqa saldılar. Prokurorla girdik morqa. Elə bil qızım yuxuya gedib. Dodağı Babadağının qarı kimi idi. Boğazında təkcə ip izi var idi. Səhərdən öldürmüşdülər nə idi bilmirəm, təzə ölən bu dəqiqə soyumadı ki. Elə bil ki, qızımı don vurmuşdu. Heç vaxt mənim qızım özünü asmaz. Ona görə ki, o, namaz qılan, Quran oxuyan, Allaha inanan adam idi. Həmişə deyirdi ki, "Allahın işinə qarışmaq olmaz. Allah adama necə can verirsə, elə də alacaq. Mən kürəkəndən şübhələnirəm". 

Qeyd edək ki, bəy toyunda Mahirənin cəmi bir dəfə rəqsinə icazə verib. Ailə üzvlərinin dediyinə görə, onlara qonaq gələn valideynlərini Mahirə əri Seyhunun icazəsi olmadan evə buraxmırmış. "Zəng edin Seyhuna deyin, sonra" deyirmiş.

Məhəmməd Vaqif
Milli.Az

Məqaləyə dair fotomateriallar:

loading...

Şərh yaz:

18 Şərh:

  • Anonim
    Melek b · 8 May 19:50210

    Aman Allah arasdirmadan ay valideyinler ne etdiniz?birinci evliliyide olub.damarimda qanim dondu.hiss etmisinz de nese yolunda getmeyib.indi aqlamaqin ne .....menasi...var.heyif qizdan((((((

    Cavab yaz
  • Anonim
    Esra Ibrahimli(Samaxi) · 8 May 20:11150

    Bayaq Spaceden baxdimmm o qeder pis oldummm indide burdan oxudum 10 il getdim eeeee offff ay Allah bele manyaklarin cezasin ver ya Rebbim yaziq qizzz

    Cavab yaz
    • Anonim
      Sovet vətəndaşı · 8 May 22:32111

      Esra, Sovet vaxtı heç bir texnikanın olmadıgı bir vaxtda bəzi qadınlar ər evində nə zülmlər çəkirdi. Boşanmaq da olmazdı, onu güllələyərdilər. Nə internet vardi, ne telefonki dərdini kiməsə danışsın, kimisə köməyə çagırsın. Bir dırıldayan ev telefonu olurdu, o da az az adamlarda olurdu. Ama indi texnika dövrüdür, hər yer internet, hər yer telefon. Paltaryuyan maşın, ətçəkən, kondisioner nə bilim nə. Yenə də şəhərlərimizdə ən çox da bölgələrdə, kəndlərdə zülm ayaqlayıb, kölə kimi yaşayan qadınlarımız var. Nə ata evində gün görürlər, nə də ər evində, sonda da ər evindən meydi çıxır, adı da qoyulur namus üstə öldürülüb. Allah heç bir qadına vəhşi kişi əlindən gələn ölüm qismət etməsin.

      Cavab yaz
      • Anonim
        Esra Ibrahimli(Samaxi) · 8 May 23:0170

        Tamamile raziyam her bir cumleyle indi heyat, meneviyyat her sey deyerin itirib Sovet dovrunde handa bir bosanan xanimlar 100 de 1 olardi indi tamam basqadi qadinlarin coxu kefinden bosanir bosanmayanlarda bele manyak elinde ölürler ata indi niye el ayaqa dusub vermezdi qizin bilirdiki 1 ci evliliyi bele olub balasindan bezibbb ??

        Cavab yaz
  • Anonim
    Qizlarinizi Oxutdurun Hörmetli valideynler! · 8 May 20:19180

    Bir çox valideyin üçun qizlarin ere getmeyi tehsilinden önemlidir , sanki Harvird da qebul ulur ! Bele canilere güvenerek , övladlarinizi bedbaxt etmeyin! Daha bir günahsiz qurban! Heyif qizdan!!!

    Cavab yaz
  • Anonim
    Gülüm · 8 May 20:31150

    Vayy bu qız lap uşaqdıki... Başa düşə bilmirəm bu valideyinlər qızıarından niyə belə tez bezirlər. Sorada başlayırlar ah-vah eləməyə.

    Cavab yaz
    • Anonim
      Alek · 8 May 20:5270

      Hamisi var dovlete aldanib qizlarin bedbext edirler

      Cavab yaz
  • Anonim
    Ziya · 8 May 20:4370

    Bizdə boşanan qadına pis gözlə baxırlar.Bəlkə də əslində çox dərin düşünən olub cəmiyyətin reaksiyasına görə edib.Dünən bir xəbərə yazılan şərhləri gördüm.belə qara günlə ər evində qalanlar var bəziləri də deyir ki ailə qurmasın ikinci dəfə ya boşanıbsa əxlaqsızdır.hamının qarşısına həyat yaxşısını çıxarmır.belə ailədənsə boşanıb Allaha sarılıb dua ilə namazla yaşamaq lazımdır.

    Cavab yaz
  • Anonim
    QQ · 8 May 21:2090

    Söz tapmıram yazmaga.......Dəhşətdi .19 il bala böyüt ,ümidlər bəslə ,axırda da axmagln ,gicin birinin quebanı olsun .

    Cavab yaz
  • Anonim
    Sovet vətəndaşı · 8 May 22:2670

    Deyir ilk arvadımı toy gecəsi qaytarmışıq. Danışdıgı sözə bax şərəfsizin. Bu da ailə həyatı, bu da ər evi. Hər bir qızın arzusudur gəlinlikdə ər evinə köçmək. Ancaq o gəlinlik nə göstərəcək, bunu heç kim bilmir.

    Cavab yaz
    • Anonim
      Esra Ibrahimli(Samaxi) · 8 May 23:1580

      Bele deyene qiz vererler??? En cahil biri de bele etmezdi Allah bilir madiyyata baqlanib şirniklenibler Bele sozu deyen elcilere qapimin itin de verməzdim o ki qala qizim ola

      Cavab yaz
      • Anonim
        Sovet vətəndaşı · 8 May 23:5430

        Ola bilsin maddiyyat söhbəti olub, ya da nəsə tanışlıq söhbəti. Ayıbdır, filankəslə yaxın dostam, qohumam filan.

        Cavab yaz
  • Anonim
    Ана · 8 May 22:3560

    Allah belanizi versin. Caniler. Xalxin usaqini niye bu hedde catdirdiniz. Axi o ata ana eziyyet cekib bala boyutmusdu.

    Cavab yaz
  • Anonim
    Süleyman · 8 May 22:3850

    Bədbəxt valideynlər! Düşüncəsizlikdən qızlarını hər yoldan keçənə bağışlayırlar.

    Cavab yaz
  • Anonim
    Teselli · 8 May 22:5270

    Ay Allah dehset.o mesum usagi ezrayila vermisiz.yazig qiz.Allah seni oldursun senin yer uzunde yasamagin haramdi

    Cavab yaz
  • Anonim
    Filankəs · 9 May 12:3310

    O donuza niyə qız vermisiz ki ?

    Cavab yaz
  • Anonim
    vuqar · 9 May 15:0420

    Indi qlzlar imkanli gozel oglan kiwi axtarlrlar.Hec yawda ferq etmez deyirler.teki imkanl iwi vezufesi olsun.Getdiyleri kiwunin insanliglnl yaxwl pis olmaslnl duwunen yoxdu.ona gorede bele bedbextcilikle qarwlilawlrlar

    Cavab yaz
  • Anonim
    Xamid · 9 May 16:0700

    Xahis edirem video verin harda baxa bilerem hemise izlayirdim verilisi dunen baxanmedim butun hami danisir verilisden harda baxabilarik?

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.