Xəzər rayonu, Buzovna qəsəbəsində dəhşətli qətl hadisəsi törədilib.
11:28
Xəzər Rayon Polis İdarəsindən APA-ya verilən məlumata görə, Buzovna sakini, 1969-cu il təvəllüdlü Ağaməmməd Hüseynov ögey oğlu, 1981-ci il təvəllüdlü Samir Həsənovu bıçaqlayaraq qətlə yetirib. S. Həsənov xəstəxanaya aparılarkən yolda dünyasını dəyişib.
İlkin araşdırmalara görə, hadisə ailə münaqişəsi zəminində baş verib.
Faktla bağlı Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanılıb, araşdırma aparılır.
---------
10:09
Aznews.az-ın xəbərinə görə, atalıq oğulluğunu bıçaqlayıb. Nəticədə Samir adlı şəxs hadisə yerindəcə dünyasını dəyişib.
Sakinlərin əməkdaşımıza verdikləri məlumata görə, qətli törədən şəxs qaçıb gizlənməyə müvəffəq olub.
Aznews.az-ın əməkdaşı məsələ ilə bağlı Xəzər Rayon Polis İdarəsi ilə əlaqə saxlayıb. İdarənin 2-ci bölməsindən faktı təsdiqləyiblər.
Məlum olub ki, oğulluğunu öldürən şəxs qaçıb gizlənməyə cəhd göstərsə də, onu saxlamaq mümkün olub.
Hələlik onun adı açıqlanmır.
Milli.Az