Kriminal

170 minlik dələduzluq edən şəxsin cəzası azaldıldı

12 Dekabr 2024 14:04
Baxış: 1 645
VTB-də minimal faiz dərəcəsi ilə nağd kredit 9.9%-dən
#MƏHKƏMƏ #DƏLƏDUZLUQ

Bakı Apellyasiya Məhkəməsində dələduzluqda və rəsmi sənədi saxtalaşdırmada təqsirləndirilən Telman Ağayevin barəsindəki hökmdən verilən apellyasiya şikayəti üzrə məhkəmə iclası başa çatıb.

Milli.Az bildirir ki, hakim Əli Məmmmədovun sədrliyi ilə keçirilən prosesdə qərar elan olunub.

Qərara əsasən, apellyasiya şikayətinə əlavə qismən təmin edilib, Bakı Ağır Cinayətlər Məhkəməsinin çıxardığı 6 il 6 ay müddətinə azadlıqdan məhrumetmə cəzası 5 ilə endirilib. Təqsirləndirilən şəxsin Cinayət Məcəlləsinin 320.1-ci (Hüquq verən və ya vəzifədən azad edən vəsiqəni və ya digər rəsmi sənədi istifadə etmək məqsədi ilə saxtalaşdırma və ya qanunsuz hazırlama, yaxud bu cür sənədi satma, habelə eyni məqsədlə Azərbaycan Respublikasının saxta dövlət təltifini, ştampı, möhürü, blankı hazırlama və ya satma) maddəsi ilə cəza təyin edilməyib, hökmündən xaric olunub.

İttihama görə, Telman Ağayev Elşad Əsədovun Bakı şəhəri, Binəqədi rayonu, Biləcəri qəsəbəsində yerləşən 1,5 hektar qeyri-yaşayış təyinatlı torpaq sahəsinin təyinatının yaşayış sahəsinə dəyişdirilməsinə rəsmi dövlət qurumlarından müvafiq icazə alınmasında köməklik göstərilməsi vədini verib. O, 2022-ci ildə bu adla həmin şəxsdən 170 min manat pul alıb. Sonra Telman saxta sənədi hazırlayıb, zərərçəkmiş şəxsə göndərib. / Pravda.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.