Ölkə

Şəhid Azər Süleymanovun doğum günü idi - VİDEO

27 Oktyabr 2021 13:42

0 Şərh Baxış: 1 185

VTB-də minimal faiz dərəcəsi ilə nağd kredit 9.9%-dən

#VİDEO

Vətən müharibəsində böyük şücaət göstərən igid hərbçilərimzdən biri də Azər Süleymanov olub.

Xezerxeber.az-ın məlumatına görə, Suqovuşan döyüşlərində qəhrəmancasına döyüşən Azər peşəkar hərbçi, çempion idmançı olmaqla yanaşı, həm də istedadlı ifaçı olub.

Əslən qərbi Azərbaycanın Dərələyəz mahalından olan Azər Süleymanov özü yazıb səsləndirdiyi şeirlərində həsrətini şəhidliklə ifadə edib.

Şəhidin anası Əfiqə Süleymanova deyir ki, Azər ölkə və dünya miqyasında keçirilən yarışlarda tatamini dəfələrlə qalib kimi tərk edib. Peşəkarlığı və mərdliyi ilə "Qoca Şir" ləqəbini qazanıb.

Azər Vətən müharibəsinin ilk günündə yaralanıb. Yaralarına baxmayaraq, döyüş yoldaşlarının yanına qayıdıb. Ağrıları və bədənindəki qəlpələrin çox olması səbəbindən döyüş yoldaşları təkidlə ondan geri qayıtmasını istəyiblər. Lakin Azər çox yaxşı bilirdi ki, onun olduğu kəşfiyyat qrupu snaypersiz ciddi çətinliklə qarşılaşacaq. Məhz buna görə də özünə ağrıkəsici vuraraq son döyüşünə yollanıb.

Azər Süleymanov döyüşlərdə göstərdiyi şücaətə görə, "Vətən uğrunda", "Laçının azad edilməsinə görə" və "Suqovuşanın azad edilməsinə görə" medalları ilə təltif edilib.

Mövzu ilə bağlı daha ətraflı videomaterialı təqdim edirik:

Milli.Az