Ölkə

Əlillərə əmək pensiyası təyinatı hansı qaydada aparılır?

26 Oktyabr 2021 12:39
0 Şərh     Baxış: 763

Əlilliyi olan şəxslərə əmək pensiyasının təyinatı "Əlillik haqqında" Qanunun 12-ci maddəsində öz əksini tapıb.

Milli.Az Trend-ə istinadən bildirir ki, bunu Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialının direktoru Mail Məmmədov "Sosial saat" verilişində qonaq olarkən deyib.

Onun sözlərinə görə, qanuna müvafiq olaraq I qrup əlillərlə II və III qrup əlillərin əmək pensiyası təyinatında müəyyən fərq var:

"Belə ki, əlilliyə görə əmək pensiyası I qrup əlillərə ümumilikdə sığorta stajı 5 ildən az olmamaq şərtilə, əmək qabiliyyətli yaş dövrünün hər tam ili üçün 4 ay sığorta stajı olduqda təyin edilir. I qrup əlillərdən sığorta kapitalı tələb edilmir.

II və III qrup əlillərə isə əlilliyə görə əmək pensiyası fərdi hesabın sığorta hissəsində qeydə alınmış pensiya kapitalı əmək pensiyasının minimum məbləğindən az olmayan pensiya təminatına imkan verməsi şərtilə, həmçinin sığorta stajı 5 ildən az olmamaq şərtilə əmək qabiliyyətli yaş dövrünün hər ili üçün 4 ay sığorta stajı olduqda təyin edilir".

Milli.Az 

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.