Ölkə

Bu il 4 296 nəfər cinayət məsuliyyətinə cəlb olunub - DİN

11 Oktyabr 2021 19:36
0 Şərh     Baxış: 468
VTB-də minimal faiz dərəcəsi ilə nağd kredit 9.9%-dən

Daxili İşlər Nazirliyinin (DİN) əməkdaşları tərəfindən narkotik vasitələrin qanunsuz dövriyyəsinə qarşı aparılan kompleks əməliyyat-axtarış, əməliyyat-istintaq tədbirləri nəticəsində 2021-ci il yanvarın 1-dən bu günə qədər 6647 cinayət faktı aşkarlanıb. Bu faktlar üzrə 4296 nəfər cinayət məsuliyyətinə cəlb olunaraq barələrində müxtəlif qətimkan tədbirləri seçilib.

Bu barədə DİN Mətbuat Xidmətinin şöbə rəisi, polis mayoru Elşad Hacıyev Trend-ə məlumat verib.

Bildirilib ki, bu il ümumilikdə 2 ton 789 kiloqram narkotik vasitə, 231 kiloqramdan artıq psixotrop maddə, 52 ton 245 kiloqram kultivasiya yolu ilə yetişdirilən narkotik tərkibli bitkilər aşkar olunaraq qanunsuz dövriyyədən çıxarılması təmin olunub. Əməli sübuta yetirilən heç bir şübhəli, saxlanılan, tutulan, təqsirləndirilən şəxs təhqiqat və istintaqdan kənarda qalmayıb, hər biri barəsində adekvat cəza tədbirləri icra olunmaqla hər bir cinayətə görə cəzanın labüdliyi təmin edilir.

Sosial şəbəkə seqmentlərində "filankəs tutuldu, bir neçə gün sonra sərbəst buraxıldı", -deyə müxtəlif səpkili fikirlər yayılır. Bu iddialar, "azadlıqdayam" görüntüsü yaradan şəxslər tərəfindən, yaxud xaricdən idarə olunan "feyk neys"-da qəsdən tirajlanan informasiyalardır ki, cəmiyyətdə çaşqınlıq yaratmağa, polisin və digər hüquq-mühafizə orqanlarının, məhkəmələrin bu istiqamətdə apardığı genişmiqyaslı tədbirləri kölgələmək məqsədi daşıyır.

Narkotiklə əlaqəli istintaq olunan şəxslər barəsində prosessual məcburiyyət tədbirləri çərçivəsində həbs, polisin nəzarəti altına vermə, başqa yerə getməmək barədə iltizam, nəzarət altına vermə və digər qətimkan tədbirləri seçilməklə onların hərəkəti elektron qolbaqla 24 saat izlənilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.