Ölkə

Bu gündən daha bir qadağa qüvvəyə minir - COVID-19 pasportu olmadan...

11 Oktyabr 2021 09:17
7 Şərh     Baxış: 6 704

Bu gündən etibarən Azərbaycanda məhkəmə binalarına giriş COVID-19 pasportu ilə mümkün olacaq.

Milli.Az xəbər verir ki, oktyabrın 6-da Ali Məhkəmə ölkədə koronavirus (COVİD-19) infeksiyasının yayılması təhlükəsinin qarşısının alınması məqsədi ilə məhkəmələrdə həyata keçirilməsi zəruri olan əlavə tədbirlər haqqında yeni qərar verib.

Belə ki, "Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə" Azərbaycan Respublikası Nazirlər Kabinetinin 2021-ci il 26 may tarixli 151 nömrəli Qərarını nəzərə alaraq, Azərbaycanın məhkəmələrinə aşağıdakılar tövsiyə edilib:

2021-ci il 11 oktyabr tarixindən məhkəmə binalarına daxil olan, habelə qapalı məkanlarda keçirilən prosessual hərəkətlərdə bilavasitə iştirak edən bütün şəxslərdən COVID-19 pasportunun (COVID-19-a qarşı peyvənd sertifikatı və ya COVID-19-a qarşı immunitet sertifikatı) və ya Əks Göstəriş sertifikatının (COVID-19 infeksiyası əleyhinə peyvəndə Əks Göstəriş sertifikatı) olması tələb edilsin.

Barəsində qətimkan tədbirinin seçilməsi və inzibati həbs tənbeh növünün tətbiqi məsələsi həll olunan şəxslər COVID-19 pasportu və ya Əks Göstəriş sertifikatı olmadığı hallarda onların məhkəmə iclaslarında iştirakları videokonfrans əlaqə sistemindən istifadə edilməklə, bu mümkün olmadıqda və ya həmin şəxslərin məhkəmə iclasında şəxsən iştirakı zəruri olduğu hallarda onların sanitar-gigiyenik və tibbi-profilaktik qaydalara ciddi riayət etmək şərti ilə bilavasitə iştirakları təmin olunsun.

Təqsirləndirilən şəxslər (qətimkan tədbirlərinin seçilməsi məsələsi həll olunan şəxslər istisna olmaqla), azadlıqdan məhrum etmə və ya ömürlük azadlıqdan məhrum etmə növündə cəza çəkən məhkumlar və Azərbaycan Respublikası Cinayət-Prosessual Məcəlləsinin 51-2.1-ci maddəsində göstərilən digər proses iştirakçılarının COVID-19 pasportu və ya Əks Göstəriş sertifikatı olmadığı hallarda, habelə səhhətinin vəziyyəti onların məhkəmə icraatında bilavasitə iştirakını qeyri-mümkün etdiyi və həmin Məcəllənin 51-2.1.1-51-2.1.4-cü maddələrində nəzərdə tutulmuş digər hallarda prosessual hərəkətlərin, eləcə də icraatın tamamilə və ya qismən videokonfrans əlaqə sistemindən istifadə edilməklə həyata keçirilməsinə üstünlük verilsin.

Hakimlərin, məhkəmə aparatı işçilərinin və vətəndaşların məhkəmə binalarında olduqları müddət ərzində, habelə qapalı məkanlarda prosessual hərəkətlərin həyata keçirilməsi zamanı qoruyucu maskalardan istifadə etmələri, şəxsi gigiyena, tibbi-profilaktik qaydalara, eləcə də sosial məsafəyə riayət etmələri təmin olunsun.

Məhkəmələrin inzibati binalarında mütəmadi olaraq dezinfeksiya işlərinin aparılması və inzibati binaların qoruyucu-gigiyenik vasitələrlə təchiz edilməsi üçün zəruri tədbirlər görsünlər.

Milli.Az 

35 000 AZN-dək krediti ONLAYN sifariş et!

Şərh yaz:

7 Şərh:

  • Anonim
    Seid · 11 Oktyabr 09:4761

    Aman ALLAH bir memur var idi onu MEHKEMEYE vermeliydim indi vere bilmeyeceyem. UCHA EDALET onun uzerinde olmayacaq. TECILI mecburi KONULLU bu "vaksini" vurdurmaq lazimdir KASH bu memur ozbashnaliq elemesin.

    Cavab yaz
    • Anonim
      Roma · 11 Oktyabr 09:5972

      Allah ozu komek olsun,korona oyunuyla milleti qirirlar...

      Cavab yaz
  • Anonim
    Hansı sərfəlidir · 11 Oktyabr 10:0552

    Təcili məcburi könüllü vaksin etməkdənsə o məmuru amnistiya elə.

    Cavab yaz
  • Anonim
    hm · 11 Oktyabr 11:5821

    Səid yaşa var ol

    Cavab yaz
  • Anonim
    Məryəm · 11 Oktyabr 12:1132

    Səid halal olsun sənə öldüm gülməkdən

    Cavab yaz
  • Anonim
    Roma · 11 Oktyabr 13:2660

    Her weyin bir sonu var,bu dunyada ebedi hecne yoxdu...40 il hakimiyyete olan qeddafinin sonunu gorduk...

    Cavab yaz
  • Anonim
    Hop-hop · 12 Oktyabr 00:3810

    Əgər şəkər xəstəsisənsə, insulindən imtina edə bilərsən, ölsən də başqalarına zərər verə bilməzsən. Amma COVİDin ölüsü də,dirisi də cəmiyyət üçün təhlükə mənbəyidir. Əziz xalqım birdəfəlik anlayın ki, epidemiya əleyhinə görülən profilaktik tədbir (vaksinasiya) şəxsi məsələ deyil ki, ondan imtina etmək kimi bir hüququnuz olsun. Birini bıçaqla öldürdün, ya da yoluxdurub ölümünə bais oldun, hər ikisi dövlət demirəm, ALLAH qatında günühkardır. Vaksin məcburidir.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.