Ölkə

Operativ Qərargah: Sərt karantin olmayacaq - YENİLƏNİB - VİDEO - FOTO

6 May 2021 12:08
Baxış: 9 641
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

12:08

TƏBİB rəsmisi sərt karantin rejiminin olmayacağını açıqlayıb. 

Teymur Musayev yeni strategiyanı bəyan edib: "Çarpayıda yatan xəstələrin sayı azalmaqdadır. Reanimasiyada olan xəstələrin sayı olduğu kimi qalır. Mayın 10-dan 18 yaşına çatmış hər şəxs vaksinasiya kampaniyasına könüllü qatıla bilər"

Onun sözlərinə görə, Cəmiyyətimiz məsuliyyətlilik prinsipinə uyğun olaraq tamlılıqla vaksinasiya qatılmalıdır.

Teymur Musayev həmçinin Operativ Qərargahın qərarına əsasən, qarşıdan gələn Ramazan bayramı günləri heç bir məhdudiyyətin tətbiq olunmayacağını açıqlayıb.

O qeyd edib ki, yeganə məhdudiyyət ictimai nəqliyyatla bağlı olacaq.

--------

11:58

Azərbaycan Respublikası Nazirlər Kabineti yanında Operativ Qərargah koronavirusla bağlı KİV nümayəndələri üçün brifinq keçirir.

Milli.Az xəbər verir ki, brifinqdə Operativ Qərargahın nümayəndələri - Səhiyyə nazirinin birinci müavini Teymur Musayev və Tibbi Ərazi Bölmələrinin İdarəetmə Birliyinin şöbə müdiri Yaqut Qarayeva karantin rejimi tələbləri və koronavirusla bağlı ölkədəki son vəziyyət barədə ictimaiyyəti məlumatlandırır.

Qeyd edək ki, son sutkada Azərbaycanda 2 074 nəfər COVID-19-dan sağalıb, 1 080 nəfər yoluxub. Ölkədə vurulan vaksinlərin ümumi sayı 1 566 106, birinci mərhələ üzrə vaksinasiya olunanların ümumi sayı 987 962, ikinci mərhələ üzrə vaksinasiya olunanların sayı isə 578 144 təşkil edir.

-------

11:55

Brifinq məlumat xarakterlidir. Hər hansı sərtləşmə və yumşalma qərarı olmayacaq.

------

11:47

Bu gün veriləcək qərarlar arasında sərt karantinin olması gözlənilmir. 

Bir neçə dəqiqədən sonra Nazirlər Kabineti yanında Operativ Qərargahın növbəti brifinqi keçiriləcək.

Brifinqdə səhiyyə nazirinin səlahiyyətlərini icra edən Teymur Musayev və TƏBİB-in departament müdiri Yaqut Qarayeva çıxış edəcək.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.