Ölkə

Sahib Rəhimov vəfat edib

8 Aprel 2020 17:38
0 Şərh     Baxış: 2 206
VTB-də minimal faiz dərəcəsi ilə nağd kredit 9.9%-dən
#HADİSƏ

Görkəmli əməkdar inşaatçısı, prezident təqaüdçüsü Sahib Rəhimov vəfat edib.

Milli.Az qafqazinfo-ya istinadən xəbər verir ki, S.Rəhimov dünən rəhmətə gedib.

Qeyd edək ki, Sahib Rəhimov 1937-ci ildə Füzuli rayonunun Kərimbəyli kəndində anadan olub. Azərbaycan Sənaye Universitetini bitirdikdən sonra Meliorasiya və Su Təsərrüfatı komitəsində əmək fəaliyyətinə başlayıb. Sahib Rəhimov əmək fəaliyyəti dövründə müxtəlif dövlət strukturlarında rəhbər vəzifəsində çalışıb.

Azərbaycan Respublikası Aqrotikinti Komitəsində sədr müavini, Azərbaycan Respublikası Tikinti Komitəsində sədr müavini, Azərbaycan Respublikası İnşaat Materialları nazirliyində nazir müavini, Heydər Əliyevin fərmanı ilə 1999-cu ildə Azərbaycan Respublikası Qaçqınların və Məcburi Köçkünlərin İşləri Üzrə Dövlət Komitəsinin sədr müavini təyin edilib və 2009-cu ilə qədər bu vəzifədə çalışıb.

Ölkə Prezidenti İlham Əliyev tərəfindən 2007-ci ildə Sahib Rəhimov uzun müddət dövlət qulluğunda səmərəli fəaliyyət göstərdiyinə görə III dərəcəli "Vətənə xidmətə görə"ordeni ilə təltif edilib.

Görkəmli insan, əməkdar inşaatçı, prezident təqaüdçüsü Sahib Rəhimov onunla birgə fəaliyyət göstərən yoldaşlarının, dostlarının və yaxın əzizlərinin xatirəsində hər zaman xoş xatirələr ilə qalacaq.

Allah rəhmət eləsin.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.